مفایێن حیجامێ

ب راستی خوینبەردانێ (حیجامێ) گەلەک مفایێن خو یێت هەین وبتایبەت بۆ زەلاما ، ژ وان مفایان ئەڤەنە :

1. حیجامە کار دکەت ل سەر چالاککرنا زڤڕوکا خوینێ(الدورة الدموية) ل نک ژن و زەلاما ، وهەروەسا نەرمکرنا دەمار و شادەماران وڕهێن خوینێ وساناهیکرنا هاڤێتنا خوینێ ددەماراندا .
2. حیجامە کاردکەت ل سەر کێشان و دەرئێخستنا مادێن ژەهراوی دناڤ خوینێدا وبتایبەت ل نک زەلامێن جگارکێش ونارگیلەکێش .
3. هەمی کۆئەندامێن د لەشێ مروڤیدا چالاک دکەت ، وەک : مەژی ، وگوهی، و زوی تێگەهشتنێ ، و بیردانکی بهێز دئێخیت .
4. رێژا کولیسترولێ دناڤ خوینێدا کێم دکەت .
5. حیجامە بەرگێریا لەشی بهێز دئێخیت (المناعة) .
6.حیجامە ڕەهێن پرچێ ( بصيلات) چالاک دکەت وچراتی وستویراتی ودرێژیا پرچێ زێدە دکەت ل نک زەلاما ، چنکی دەمێ کەلواشێ مروڤی ژ خوینا فاسد وپویچ خلاس دبیت ، هێزێ ددەتە کەلواشی کو خوینێ وخارنێ بگەهینیتە رەهێن پرچێ.
7. هێزێ ددەتە کەلواشی(الجسم) کۆ پتر بشێت بەرهنگاریا هەمی میکروبا بکەت ئەوێن کو هێرشێ دکەنە سەر کەلواشی ب رێکا پێستی ڤە(جلد)ـی .
 8.حیجامە کار ل سەر مەزنکرنا قەبارێ ماسولکان دکەت ، وتێکچون وکورت بونا ماسولکەیان کێم دکەت بتایبەت ل نک زەلاما .
9.حیجامە هێزێ ددەتە لەشی کو هەستیکا ئاڤاکەت و کالسیومێ دناڤ هەستیدا زێدە بکەت.
10.حیجامە کاردکەت ل سەر شیانێت گەدەی وکریارا هەرسکرنێ بهێز دئێخیت ، چنکی رادبیت ب رێکخستنا دەرهاڤێشتێن ترش وئەنزیمێت گەدەی چالاک دکەت.
 11.حیجامە کاردکەت ل سەر چالاککرنا شانێت مێلاکێ وپەنکریاسێ وکارێن وان چاک دکەت .
12.حیجامە کاردکەت ل سەر زێدەکرنا گەهشتنا ئوکسجینێ بو ڕەهێن (الالیاف)ماسولکەی ، وبڤێ چەندێ ماسۆلکە بهێز دکەڤن وشیانێت وان بڵند دبن .

13.حیجامە دبیتە ئەگەرێ دەرئێخستنا ترشێ (لاکتیک) ژ ماسۆلکا ، ولدەمێ دەرئێخستنا ڤی ترشی زەحمەت و وەستیان وتەشەنجا ماسولکا نامینت.
14.حیجامە ب مفایە بۆ رزگاربونێ ژهەمی ئێشێن پشتێ وستۆی وملاندا ، وچارەسەرە بۆ هەمی ئاریشێن گرێدای ب وەستیان وزەحمەتیێ وسستی ولاوازیێ .
15. رزگاربون ژ هەمی ئاریشێن گرێدای ب خەوێ ڤە وەک: خەو چرکی ، وتێکچۆنا خەوێ ، ودودلیێ ونەرەحەتیێ ڤە ، وهاریکاریا لەشی دکەت کۆ خۆینا پیس ب خوینا پاقژ بگۆهۆرت .
 16. حیجامە شیانێ بو مروڤی چێدکەت کۆ وزە وطاقە کۆ جلۆکۆزە یا کۆ دبیتە ژێدەر بو وزا لەشی ومێشکی ، وهەستێ ژیاندنێ وچالاککرنێ پشتی حیجامێ بۆ مروڤی پەیدا دبیت .
17. حیجامە چالاکیا غوددێن عڕقی و دۆهنی زێدە دکەت ، وپشتی هنگی کۆنکێت خوهێ یێن ل سەر پێستی ئێکسەر ڤەدبن پشتی کریارا حیجامێ .

 نڤێسین✍️: شیڤان شێخەمیری
شارەزا دبوارێ حیجامێدا🥼