حەرام بوونا جورئەت کرنێ ل سەر دانا فەتوایێ
حەرام بوونا جورئەت کرنێ ل سەر دانا فەتوایێ
و گۆتنا ژ کیسێ خودێ مەزن و پێغەمبەری وی سلاڤ لێ بن بێ زانین ، یان کێم زانین ، یان ب زانینەکا شێلی .
گەلەک جارا دێ هندەک هەڤالێن مە یێن سوشیالێ میدیایێ بینی دێ بێژن : کەرەمکەن وە چ پرسیار هەنە ، دێ هەڤال ژی چ پرسیارێن هەبن دێ هەلئێخن ، وسەیدا ژی دێ بدلێ خو بەرسڤ دەت ، وئەڤه یا خەلەتە ودڤێت مروڤ گەلەکێ هشیار بت ل سەر دینێ خو ، وخۆ تۆشی چ گۆنەها نەکەت ، چنکی دڤێت هەر پرسیارەکا مروڤی هەبت ژ مروڤێن تایبەت مەند بکەت نەک هەر کەسێ خۆ دەرئێخت مروڤ بکەتە جهێ باوەریێ وپرسیارا حەلال و حەرامی ژیێ بکەت .
وگەلەک ژ زانایێ مەزن یا خو ژفەتوادانێ دایە پاش ژ ترسا ، یان بەرسڤا هندەک پرسیارا پشتی سێ روژا یا دای ، یان ژی بەرێ وی یێ دایە ئێکێ ژ خو زیرەکتر ..
ب بەلگێ ئایەتا
وَلَا تَقُولُواْ لِمَا تَصِفُ أَلۡسِنَتُكُمُ ٱلۡكَذِبَ هَٰذَا حَلَٰلٞ وَهَٰذَا حَرَامٞ لِّتَفۡتَرُواْ عَلَى ٱللَّهِ ٱلۡكَذِبَۚ إِنَّ ٱلَّذِينَ يَفۡتَرُونَ عَلَى ٱللَّهِ ٱلۡكَذِبَ لَا يُفۡلِحُونَ ﴿النحل-١١٦﴾
وهوين -گه‌لی بوتپه‌رێسان- نه‌بێژنه وێ دره‌وێ يا هوين ب ئه‌زمانێ خۆ دبێژن: ئه‌ڤه حه‌لاله، بۆ وى تشتێ خودێ حه‌رامكرى، وئه‌ڤه حه‌رامه، بۆ وى تشتێ خودێ حه‌لالكرى؛ دا هوين ب ڤێ حه‌لالكرن وحه‌رامكرنێ دره‌وێ ژ كيسێ خودێ بكه‌ن، هندى ئه‌ون يێن دره‌وێ ل سه‌ر ناڤێ خودێ دكه‌ن ئه‌و فايدێ دنيايێ وئاخره‌تێ ب ده‌ست خۆ ڤه نائينن.
وئایەتا
قُلۡ إِنَّمَا حَرَّمَ رَبِّيَ ٱلۡفَوَٰحِشَ مَا ظَهَرَ مِنۡهَا وَمَا بَطَنَ وَٱلۡإِثۡمَ وَٱلۡبَغۡيَ بِغَيۡرِ ٱلۡحَقِّ وَأَن تُشۡرِكُواْ بِٱللَّهِ مَا لَمۡ يُنَزِّلۡ بِهِۦ سُلۡطَٰنٗا وَأَن تَقُولُواْ عَلَى ٱللَّهِ مَا لَا تَعۡلَمُونَ ﴿الأعراف-٣٣﴾
تو -ئه‌ى پێغه‌مبه‌ر- بێژه وان موشركان: خودێ كارێن كرێت حه‌رامكرينه، چ دئاشكه‌را بن، چ دڤه‌شارتى، ووى گونه‌هـ هه‌مى حه‌رامكرينه، وگونه‌ها ژ هه‌مییان مه‌زنتر ئه‌وه مرۆڤ زۆردارییێ ل خه‌لكى بكه‌ت، هندى ئه‌ڤ كاره‌يه يێ دويره ژ حه‌قییێ، ووى حه‌رامكرییه كو هوين ژ بلى خودێ په‌رستنا تشته‌كى بكه‌ن يێ وى چو هێجه‌ت وده‌ليل پێ نه‌ئيناينه خوارێ، ئه‌وێ ڤى كارى بكه‌ت وى چو هێجه‌ت نينن، ووى حه‌رام كرییه كو هوين ژ دره‌و وبێ به‌ختى وى تشتى ل سه‌ر ناڤێ خودێ بێژن يێ وى نه‌گۆتى، وه‌كى پالدانا كوڕه‌كى بۆ وى، وحه‌رامكرنا هنده‌ك جلك وخوارنێن حه‌لال.
عربة الشراء