كورتییەك ژ ژیانناما ئیمامێ‌ بوخاری

ناڤێ وی یێ تمام {محمدێ‌ كورێ‌ ئیسماعیلێ‌ كورێ‌ ئیبراهیمێ‌ كورێ‌ موغیرەیێ كورێ‌ بردزبەیێ‌ جوعفی یێ بوخاری یە}، ناسناڤێ وی {بابێ عبدالله} بوو.

ل روژا ئەینی یێ ل (١٣)ی هەیڤا شەوالا سالا (١٩٤) ێ مشەختی كو دهێتە بەرامبەر (٨١٠) ێ‌ زاینی ل باژێرێ بوخارا ژ دایك بویە.

دەمێ تەمەنێ وی دگەهیتە شازدە سالیێ هەمی پەرتوكێن ڤان هەردوو زانایا ژبەر دكەت (ابن مبارك) و (وكیع) ، و هەر د تەمەنێ گەنجینیا خودا (٧٠.٠٠٠) حەفتـێ هزار فەرموودا ژبەر دكەت.

ئیمامێ‌ بوخاری یێ ل گەلەك جه و وەلاتا گەریای بو بدەست ڤە ئینانا زانستێن شەرعی ، وەكی: خوڕاسان و عیراق و حیجاز و شام و مصرێ.

ئیمامێ‌ بوخاری خودان راسترین پەرتوكە كو ل پشتی قورئانێ دهێت بناڤێ (الجامع المسند الصحيح المختصر من أمور الرسول (صلى الله عليه وسلم) وسننه وأيامه)  بەلێ یا ب ناڤێ (صحیح البخاری) هاتیە نیاسین ، و ( ب پێشەوایێ ئیمانداران د فەرموودێ دا) یێ هاتیە نیاسین ، كو ئەڤە مەزنترین پلەیە د زانستێ فەرموودێ دا.

ئیمامێ‌ (محمدێ‌ كوڕێ‌ ئیسحاقێ‌ كوڕێ‌ خوزەیمەی) دبێژیت : ل ژێر سیبەرا ئاسمانی دا من كەسەك نە دیتیە ژ محمدێ‌ كورێ‌ ئیسماعیلێ‌ بوخاری شارەزاتر بیت ب فەرموودێن پێغەمبەری (صلى الله عليه وسلم) .

هەروەسا ئیمامێ‌ بوخاری گەلەك ماموستا هەبون ژ وان یێن  ب بناڤ و دەنگ ئیمامێ‌ (ئەحمەدێ‌ كوری حەنبەلی)  ، هەروەسا گەلەك قوتابی ژی هەبون ، بو نموونە (بابێ علی صالحێ‌ كورێ‌ محمدێ‌ بغدادی) دبێژیت: ئیمامێ‌ بوخاری دا ل بەغدا ڕوینیت بو گوتنا فەرموودا زێدەتر ژ بیست هزار كەسا دا ئامادەبن دڕویشتنا وی دا بو گوهدانا فەرموودێن پێغەمبەری (صلى الله عليه وسلم) ، و ژ بناڤ و دەنگ ترین قوتابی یێن ئیمامێ بوخاری : ئیمامێ‌ (مسلم و ترمذي و نسائی و ابن خزیمە ) و گەلەكێن دی.

   ئیمامێ‌ بوخاری ل شەڤا شەمبی یێ كو شەڤا جەژنا رەمەزانا پیرۆز بوو ل دەمێ نڤێژا عەیشا ل تەمەنێ شێست و دوو سالی یێ كو دهێتە بەرامبەر (٢٥٦) ی مشەختی بەرامبەر (٨٧٠) ی زاینی ل گوندێ‌ (خرتنك) كو ئێكە ژ گوندێن (سەمەرقەند) بەرەڤ گورستانێ  هاتە برن .

خودێ فیردەوسا بلند پێشكێشی وی بكەت.