چێکرنا حیجامێ بو ئێشا نوقرسێ ،(Gout)

نوقرس ، یان ئێشا پاشایا ، ئەڤە ئێشەکە پەیدا دبت ژ ئەگەرێ کومبینا ترشیێ (بولیک) دگەهاندا ، پتر توشی زەلامان دبیت ژ ئافرەتا ، وشینوارێن ئێشێ دیار دبن ل سەر مروڤی وەک ئێشان وژانەکا دژوار ، وسوربونا گەهان .

ئەگەرێن ڤێ ئێشێ گەلەکن ژ وان :
خارنا رێژەکا گەلەک ژ ترشێ بولیک وەک گۆشتێ سۆر ، وئاریشێن گۆلچیسکا ، کۆ ئەڤە دبیتە ئەگەرەکێ مەزن وبەربەلاڤە بو نەخوشیا نوقرسێ ، چۆنکی کەلەواشێ مروڤی نەشێت ترشێ یوریک ژ جسمی دەربێخیت ،  ڤێجا دناڤ خوینێدا کوم دبت ودکەڤیتە سەرئێک ، وهەروەسا قەلەوی ، وڤەخوارنا کحولێ (مەیێ) ونەئەنجامدانا وەرزشێ ، و خارنا هندەک دەرمانا ، وگەلەک روینشتن دمالڤە ، گەلەک ڤەخارنا ڤەخوارنێت غازی وەک پێپسیێ .
مفایێن حیجامێ بو نوقرسێ :
1. حیجامە کاردکەت ل سەر دەرئێخستنا ترشێ بولیک ژ گەهان ودەوروبەرا ، کو دبیتە هاریکار ل سەر کێمکرنا ئێش  ژانێ ب رێژێن مەزن ، وبەردەوامی دان ب حیجامێ ب هندەک جەلسێن رێکخستی دێ ئێشێ گەلەک سڤک کەت ب ئانەهیا خودێ .
2.و لدەمێ چێکرنا حیجامێ بۆ کەسێ توشبوی ئەو وەرما د گەهاندا (مفاصل)ـدا کێم دزت وئەوژی برێکا مادێ( نێتریک ئەکسید)
3.حجامە کاردکەت ل سەر دەرئێخستنا مادێ (بروستاجلاندین) ژ جهێن توشبۆنێ وبڤێ چەندێ ئێش کم دبت .
4.حیجامە دبیتە ئارامکەرا سروشتی بو ئێشانێ چنکی مادێ (ئەندروفین و ئینکافالین ) دەردهاڤێژت.
5. حیجامە کاردکەت ل سەر چالاککەرنا زڤروکا خوینێ( الدورة الدموية) وبەرگێریا لەشی بهێز دئێخیت ، وخوینێ پاقژ دکەت ، وئەڤ چەندە دبیتە ئەگەرێ چالاکرنا کارێ گولچیسکا و بڤێ چەندێ دێ گۆلچیسک ب کارێ خو رابت ب دەرئێخستنا مادێ ترشێ بولیک ژ لەشی .
شیرەت وئاموژگاری :
1.دڤێت ل دیڤ سیستەمێ خارنا تەندروست بچی .
2. وخو دویر بکەی ژ وان خارنێت دبنە ئەگەرێ ئێشا نوقرسێ ، وبتایبەت ل دەمێ وەرگرتنا عیلاجی ، وەک : خارنێت سەرپێ و بلەز (فەست فوود) یێن کۆ تێر دوهن ، وباقلەمەنیا ، وگوشتێ عەلوکا ، وخو دویرئێخستن ژ خارنێت تێر پروتین ، ونەڤەخارنا زێدەیا قەهوێ ،،
3.خارنا هندەک تشتێن گەلەک بمفا بو نوقرسێ ، وەک : شەربەتا لەیمونێ ، وفێقیێ ئەنەناس ، وتری وشەربەتا وێ ، وسێڤ ، وکەرەفسێ چ وەک شەربەت یان دگەل زەلاتێ ، وچایا زەنجەبیلێ ، وخیار وقورادێ.

م. شیڤان شێخەمیری