گروپێن چارەسەربون ژ ئیدمانا تەماشەکرنا بابەتێن بێپەردە

گاری ویلسون نڤیسەرێ پەرتووکا (مێشکێ تە ل ژێر کاریگەرییا بابەتێن بێپەردە) دبێژیت:

ل دویماهییا ساڵا 2010 هەڤژینا من بۆ من پێشنیارکر کو مالپەرەکی ل سەر ئینتەرنێتێ چێکەم دەربارەی ڤێ دیاردا نوی، د وی دەمی دا ئەو مالپەرێ پەیوەندیێن سێکسی ئەوێ هەڤژینا من ب رێڤە دبر یێ تژی بوو ژ وان زەلامێن ل بەرسڤا دگەریێن بو ئاریشێن خۆ یێن گرێدای ب بێپەردەییا سێکسی ڤە: نەبوونا حەزێ بەرانبەر هەڤژینێن وان، گیروبوونا هاڤێتنێ یان نەبوونا شیانێن ئەنجامدانا جوتبوونێ، یان پەیدابوونا حەزێن سێکسی یێن نوی ب تایبەت دەمێ تەماشەی جورێن جیاواز یێن ڤیدیویێن سێکسی دکەن، و هندەک جاران بەحسا بلەز هاڤێتنێ دکر. هەڤژینا من گۆت کو ئەندامێن ڤی گروپی پێدڤی ب مالپەرەکی نە کو تێدا روهنکرنێن ئێکودوو بخوینن دەربارەی ئاریشا، و د وی مالپەری دا بشێن نویتڕین ڤەکولینێن زانستی دەربارەی بابەتێن گرێدای ئیدمانا تەماشەکرنا بێپەردەییێ و گونجاندنا سێکسی بخوینن . و ژ ڤێرێ مالپەرێ (مێشکێ تە ل ژێر کاریگەرییا بێپەردەییێ) پەیدابوو.
مایتێکرنا من وەل من کر ئەو کەسێن سەرەدانا مالپەری دکەن بنیاسم، ئەڤجا من دەست ب دیفچوونا وان کر، و ئەز مەندەهوش بووم ژ وێ چەندا من دیتی!  د  گەنگەشێن درێژ دا لینکێن هندەک مالپەرێن دی دیاردبوون ، ب هەمی زمانێن جیهانێ، زەلام ل هەمی پارچێن جیهانێ ل بەرسڤان د گەریان، و د نوکە دا روژانە نێزیکی  20 هزار کەسان سەرەدانا مالپەرێ من دکەن.
 پشی هینگی هندەک گروپێن دی پەیدابوون بو وان کەسێن دڤێت دەست ب چارەسەربوونێ بکەن ژ تەماشەکرنا بێپەردەییێ، و ئەڤ گەنگەشە ل وەڵاتێن دی یێن جیهانێ بەڵافبوون، بو نموونە ل چینێ دوو گروپ پەیدابوون پاشی هەردوو بونە ئێک کو نێزیکی ملیون ئەندامان تێدابوون شەردکر ژبوو چارەسەربوونێ، و هەر جهێ کومەکا زەلامان لێ کوم بیت دێ بینی یێ گەنگەشێ دکەن ل سەر کاریگەری و زیانێن بێپەردەییێ.

ل سالا 2011  کومەکا گەنجێن تەمەنێ وان د بیست سالیێ دا رابوون ب دروستکرنا گروپان ل سەر ئینتەرنێتێ بو پشتەڤانیکرنا گەنجان بۆ هێلانا تەماشەکرنا ڤیدیویێن بێپەردە، ب هیڤیا هندێ ڤان ئاریشێن گرێدای ب تەماشەکرنا بێپەردەییێ ڤە نەهێلن، و وان تێبینی کر کو بزاڤا هێلانا تەماشەکرنا ڤیدیویێن سێکسی یا هاریکارە بو کێمکرنا ئەنجامدانا دەستپەران، و د راستی دا گەلەک ژ وان نەدشیان دەستپەران ئەنجام بدەن بێی تەماشەکرنا بابەتێن بێپەردە ب تایبەتی ل دەستپێکا قوناغا چارەسەربوونێ. ئارمانجا وان ئەو بوو ئارامیێ بدەنە مێشکێ خۆ ژ ئازراندنا بەردەوام و موزمن ئەوا ژ ئەگەرێ زێدە تەماشەکرنا دیمەنێن سێکسی پەیدا دبیت، و ئەڤ تاقیکرنە هاتە ب ناڤکرن ب (ربیوت) ئانکو دووبارە دانا کاری .
باشترین و مەزنترین و کەڤنترین گروپ ل سالا 2012 دەستپێکر ب زمانێ انگلیزی، ئەوژی گروپێ (ریدیت/نوفاب) کو نوکە پتری 132 هزار ئەندامان ب خۆڤە دگریت، و مالپەرێ نوفاب 30 هزار ئەندام تێدا هەنە و مالپەرێ (دووبارە دانا کاری یا مللەتی) 2500 ئەندامان ب خۆڤە دگریت و مالپەرێ (مێشکێ تە هەفسەنگیێ ب دەست خۆ ڤە دئینیت) 13 هزار ئەندامان ب خۆڤە دگریت، و ئەڤ گروپە بخێرهاتنا ئافرەتان ژی دکەن و رێژا وان ژی یا د زێدەبوونێ دا. هەر ژ دەستپێکێ وەرە ئەز تەماشەی ڤان گروپان دکەم ژبەرکو ژمارەکا ئەندامێن وان پەیوەندی دگەل هندەک ئەندامێن مالپەرێ من هەبوون.

ژێدەر:

[*] Links to Chinese forums: http://www.jiese.org/bbs/index.php and http://tieba.baidu.com. Also see this forum post, "Chinese way of nofap" June 22, 2014, http://www.reddit.com/r/NoFap/comments/28smcs/chinese_way_of_nofap.
  [*]  wwww.Reddit.com    
  [*] www.Reddit.com/pornfree  
  www.Nofap.com   [10]
  www.RebootNation.org [*]
[*] www.YourBrainReblanced.com.