مەرتەبێن رابوونا شەڤا ب قەدر (لیلة القدر):

مروڤی بۆ ڪرنا نڤێژان د شەڤا ب قەدر دا چار حالەت یێن هەین:

١_مروڤ شەڤێ هەمییێ نڤێژا بڪەت، و ئەڤە ئەو بۆ یا پێغەمبەری ﷺ دڪر، شەڤێ هەمییێ رادبوو هەتا صەحابیێن وی د ترسیان ڪو پاشیڤ ژێ بچیت.
ڤێجا ئەوێ بشێت شەڤێ هەمییێ رابیت دروستە بۆ وی ئەو وەبڪەت، و پترییا جاران ئەڤە یا گران و ب زەحمەتە ل سەر خەلڪی.
٢_مروڤ دەستپێڪا شەڤێ و دوماهییا وێ ڕابیت، و ئەڤە ئەوە یا ڪو خەلڪ ل سەر، چونڪی پترییا خەلڪێ نەشێن شەڤێ هەمییێ ڕابن، ڤێجا ئەو ل دەستپێڪا شەڤێ ب ڪرنا تەراویحا ڕادبن، و ل دوماهییا شەڤێ ب ڪرنا (تهجد)ــان، و هەردوو نڤێژ ژ ڕابوونا رەمەزانێ نە، و چ جوداهی دناڤبەرا هەردووڪان دا نینە، بەلڪو جوداهی دناڤبەرا وان دا ل دویڤ حالێ خەلڪێ یە.
و ژ ئیمامێ عومەر هاتییە ڤەگوهاستن ڪو دەما د بەر صەحابانڕا بوری و وان ل دەستپێڪا شەڤێ تەراویح دڪرن گوتێ: (والتي تنامون عنها خیر مما تصلون)
ئانڪو: ئەوێن ل دوماهییا شەڤێ ئامادە بیت بو نڤێژێ حالێ وی تەمامترە ژ یێ وی یێ تنێ ل دەستپێڪا شەڤێ دڪەت.
و ئەگەر ئێڪی پێ چێبوو ل دەستپێڪا شەڤێ و دوماهییا شەڤێ ڕابیتە نڤێژان، و وەخت هەبوو دناڤبەرا هەردووڪان ژی دا ب تنێ بۆ خۆ بڪەت، بلا بڪەت، دا ڪو نڤێژا د ڤێ شەڤێ دا زێدە بڪەت.
٣_نڤێژێن دوماهییا شەڤێ ب تنێ بڪەت، ئەگەر نەشییا ل دەستپێڪا شەڤێ بۆ نڤێژان ئامادە بیت، چونڪی نڤێژێن دوماهییا شەڤێ  ملیاڪەت لێ ئامادە دبن.
٤_ل دەستپێڪا شەڤێ نڤێژا بڪەت، ئەگەر نەشییا ل دوماهییا شەڤێ ڕابیت.
و هەچییێ نە ل دەستپێڪا شەڤێ و نە ل دوماهییا وێ نەڕابیت، ئەو بێ بار بوو ژ وی چەندا پێغەمبەری ﷺ د ڤێ فەرموودێ دا بەحس ڪری:
(وئەوێ‌ ب باوەری ل شەڤا ب قەدر ڕاببیت و بۆ خۆ ب خێر حسێب بكەت گونەهێن وی یێن بۆری دێ‌ بۆ هێنە ژێبرن).


شێخ د. صالح العصیمي وفقه الله.