ئەی خیشکا مسلمان دەستپێکێ ڤان تشتا بزانە:

ئەڤە نە بۆ هاندنا زەلاما یە کو بکەنە دو ژن و سێ... نە تەشجیعە.

نە بۆ ڕازیکرنا ئافرەتا یە لسەر دوو ژنیێ و خۆ بێدەنگ بکەن، و ڕازی بن.

ئافرەتێ مافێ هەیی ب غیرەت بیت لسەر هەڤژینێ خۆ. 

ئافرەتێ مافێ هەی حەزنەکەت زەلامێ وێ ژنەکادی لسەر بینیت...

ئەڤە بتنێ بۆ هشیارکرنا ژ غیرەتا زێدەیە دانەکەڤیە د گونەهێ و کوفرێ دا !!!

ئەی خیشکا مسلمان تو یا دناڤبەرا دو تشتان دا. ئێك: عاطیفە و تەبیعەتێ سروشتی.

ئەگەر تۆ وەکی تەبیعەت و مروڤ حەز نەکەی و تەپێ نەخوش بیت چ هەڤژینێن دی بسەرتە بهێن و زەلامێ تە بوتە بتنێ بیت و حەز نەکەی تە هەوی هەبیت و..... ئەڤە تشتەکێ تەبیعیە.

بەلێ پا دڤێت ژ سنورێن تەبیعی نە دەرکەڤیت، و ئەڤ حەزنەکرنە و نەخوشییە وەکی هندەك تشتێن دی بیت.

بۆ نمونە: مروڤ حەزناکەت بهێتە کوشتن، یان نەخوشە ل زڤستانێ مروڤ ب ئاڤا تەزی دەستنڤێژێ بگریت، یان سپێدێ زی نڤینێن خۆ بێهلی و ژخەو ڕابی بۆ نڤێژا سپێدێ، و...

خودێ دبێژیت: {كُتِبَ عَلَيۡكُمُ ٱلۡقِتَالُ وَهُوَ كُرۡهٞ لَّكُمۡۖ وَعَسَىٰٓ أَن تَكۡرَهُواْ شَيۡئٗا وَهُوَ خَيۡرٞ لَّكُمۡۖ...} ئانکو: گه‌لى خودان باوه‌ران خودێ كرنا شه‌ڕێ كافران ل سه‌ر هه‌وه‌ فه‌ركرییه‌، وهوين ب تبيعه‌تێ خۆ حه‌ز ژ شه‌ڕى ناكه‌ن؛ چونكى ئه‌و يێ ب ترس وزه‌حمه‌ته‌، ودبت هوين حه‌ز ژ تشته‌كى نه‌كه‌ن وئه‌و ب خۆ خێرا هه‌وه‌ تێدا هه‌بت...❫

ڤێجا ئەگەر ب ڤی شێوەی بیت چ ئاریشە تێدا نینە و ئافرەت گونەهکار نابیت.

دوو꞉ نەڕازی بون بۆ حوکمێ خودێ ! بەلێ پا ئەگەر تە کەرب ژ ڤی حوکمێ خودێ ڤەبن و ب هزرا تە ئەڤ حوکمێ شەرعی ظولمە بۆ ئافرەتێ و فرەژنی (تەعەددود) نەبا داباشتر بیت، ئەڤە کوفرەکا ئاشکرایە -والعیاذ بالله- 

و خودان ب ڤێ چەندێ دێ ژ ئیسلامێ دەرکەڤیت و دێ کارێن وی هەمی پیچ بن.

خودێ دەربارەی کافراندا دبێژیت: {ذَٰلِكَ بِأَنَّهُمۡ كَرِهُواْ مَآ أَنزَلَ ٱللَّهُ فَأَحۡبَطَ أَعۡمَٰلَهُمۡ} چونكى وان ب كيتابا خودێ يا بۆ پێغه‌مبه‌رێ وى هاتى نه‌خۆش بوو، وباوه‌رى پێ نه‌ئينا، ڤێجا خودێ كريارێن وان پويچكرن.❫

ڤێجا هەر تشتەك و حوکمەکێ د ئەڤێ قوڕئانێ دابیت مروڤی کەرب ژێ ڤەبن و حەژێنەکەت دێ هوسا خودێ خێرێن مروڤی هەمیا بەطال کەت.

پێتڤیە مروڤێ مسلمان باوەری ب ئەحکامێن خودێ هەمیان هەبیت دا وەکی مللەتێن بوری نەهێتە هەژمارتن. هەروەکی خودێ دەربارەی بەنی ئیسرائیلیان دا دبێژیت: {أَفَتُؤۡمِنُونَ بِبَعۡضِ ٱلۡكِتَٰبِ وَتَكۡفُرُونَ بِبَعۡضٖۚ فَمَا جَزَآءُ مَن يَفۡعَلُ ذَٰلِكَ مِنكُمۡ إِلَّا خِزۡيٞ فِي ٱلۡحَيَوٰةِ ٱلدُّنۡيَاۖ وَيَوۡمَ ٱلۡقِيَٰمَةِ يُرَدُّونَ إِلَىٰٓ أَشَدِّ ٱلۡعَذَابِۗ وَمَا ٱللَّهُ بِغَٰفِلٍ عَمَّا تَعۡمَلُونَ}

ئانکو: چ كاره‌كێ كرێته‌ هوين دكه‌ن ده‌مێ هوين باوه‌رییێ ب هنده‌ك ئه‌حكامێن ته‌وراتێ دئينن وكافرییێ ب هنده‌كێ دكه‌ن! ڤێجا هه‌چى كه‌سێ ژ هه‌وه‌ ڤێ چه‌ندێ بكه‌ت ژبلى شه‌رمزارییا د دنيايێ دا وى چو جزايه‌ك نابت. و ل ڕۆژا ڕابوونێ خودێ دێ وان زڤڕينته‌ دژوارترين عه‌زابێ د ئاگرى دا، وخودێ يێ بێ ئاگه‌هـ نينه‌ ژ وى تشتێ هوين دكه‌ن❫

ل دیماهیێ:

ئەی خیشکا مسلمان: ئەگەر حەزنەکەی و ڕازی نەبی ژی هەڤژینێ ژنکەکادی بینیت، چ ئاریشە نینە بەلێ پا دڤێت د بیروباوەرێن تەدا ئەو بیت کو ئەڤ حوکمێ خودێ دانای: حوکمەکێ ب عەدلە و زولم تێدا نینە بو ئافرەتێ. هەمی مەصلەحەت یاد وێ دا ئەوا خودێ بومە کریە شەریعەت.

 ڤێجا هشیاربە:

سەرا عاتیفێ و خوشیا دونیایێ خو ژ خودایێ خو توڕە نەکە و خودێ ژی ژخو توڕەنەکە، و باش بزانە دێ مری و مالێ دونیایێ و عاتیفە و ئافرەتێن دەوروبەرێ تە چ مفای لتە ناکەن دەمێ لقیامەتێ ڕادبی بو حیسابێ ل دەڤ خالقێ خو.

ئەرێ ما تو ژ دایکامە باوەردارا عائیشایێ باشتری؟ خودێ بخو و لسەر حەفت حەسمانا پاقژیا وێ دیارکریە.

و دسەر ڤێ چەندێ ڕا ژن بسەر هات و ئەو خوشتفیترین هەڤژینا پێغەمبەری ژی بو ﷺ.

شێخ ئبن باز -خودێ ژێ ڕازی بیت- دبێژیت: هەر کەسێ کەرب ژ فرەژنیێ ڤەبن و هزربکەت تشتەکێ نەباشە، کەسەکێ کافرە و ژ ئیسلامێ دردکەڤیت (مورتدده)، چونکی ئەو یێ ئینکارا حوکمەکێ خودێ دکەت -نعوذ بالله- و یێ کەربێن خو ژ شەریعەتێ خودێ ڤەدکەت، و خودێ دبێژیت:  ﴿ ذَلِكَ بِأَنَّهُمْ كَرِهُوا مَا أَنزَلَ اللَّهُ فَأَحْبَطَ أَعْمَالَهُمْ﴾ [محمد:9].

ڤێجا یێ کەربێن خو ژفرەژنیێ ڤەکەت، و وەسا ببینت کو شەریعەتی زولما کری، ئەڤ حوکمێ خودێ کێماسیا تێدا یان نەتشتەکێ باشە، یان وەسا ببینت کو ئەوا ل باژێرێن فەللا دهێتە کرن ژ ئێك هەڤژینێ بتنێ کو ئەڤە چێترە و باشترە، ئەڤە هەمی دەرکەفتناژ ئیسلامێ یە، -نعوذ بالله-.

ئەڤە وەکی وی یە یێ بێژیت: فەرزبونا نڤێژێ نەتشتەکێ گونجای یە، و ئەگەر خەلکی نڤێژ نەکربان یان ڕوژی نەگرتبان یان زەکات نەدابان باشتر بو، یێ ڤێ چەندێ بێژیت دێ کافر بیت

ڤێجا جیاوزیێ بکە دناڤبەرا:

نەڕازیبون ژ زەلامی.

نەڕازیبون ژ حوکمێ خودێ.

کەرب ڤەبونا ژ هەویێ.

کەرب ڤەبونا ژ حوکمێ خودێ.

نەڤیانا ڕویدانا ڤێ شولێ.

نەڤیانا حوکمێ خودێ