ئبن قەیم رحمه الله دبێژیت:

خەلڪ د نڤێژێ دا پێنج بەشن:

١_ڪەسێ (معاقب) دهێتە سزادان:

ئەڤە ئەوە یێ گرنگییێ ب نڤێژێ نەدەت، و دەستنڤێژ و ئەرڪان و واجب و شەرطێن نڤێژێ بجهـ نائینیت، ڤێجا ئەو دێ سەرا نڤێژا خۆ هێتە سزادان.

٢_ڪەسێ (محساب) دێ محاسبا وی هێتەڪرن:

ئەڤە ئەوە یێ ئەرڪان و واجب و شروطێن نڤێژێ بجهــ دئینیت بەلێ وەختا داخلی نڤێژێ دبیت هەتا خلاس دبیت نزانیت چ دبێژیت، هزرا وی د نڤێژێ دا یا ل دونیایێ هەتا خلاس دبیت، و لەزێ دڪەت دا خلاس بیت و بچیت ڪارێن خۆ بڪەت، و پترییا خەلڪی ئەڤەنە، ڤێجا ئەڤی دێ حسابا وی هێتەڪرن سەرا نڤێژا وی.

٣_ڪەسێ (مڪفر عنه) لێ دهێتە بورین:

ئەرڪان و واجب و شەرطێن نڤێژێ بجهـ دئینیت، بەلێ خۆ ژ وی وەختێ ئەو داخلی نڤێژێ بووی هەتا خلاس دبیت ئەو مصارعا نەفسا خۆ و شەیطانی دڪەت ڪو دلێ وی غافل نەڪەت ژ نڤێژێ، ڤێجا ئەڤە جیهادێ دگەل نەفسا خو دڪەت دا نڤێژا وی یا تازە بیت.

٤_ڪەسێ (مثاب) خودان خێر:

ئەڤە ئەوە یێ ئەرڪان و واجب و شروط و سوننەتێن نڤێژێ دڪەت و ب خشوع ڤە دڪەت، ڤێجا خودان ئەجرە ب نڤێژا خو.

٥_ڪەسێ (مقرب) خۆ نیزیڪی خودێ دڪەت ب نڤێژا خو:

(مەرتەبا بلند) ئەڤە ئەوە یێ ئەرڪان و واجب و شروط و سوننەتێن نڤێژێ بجهـ دئینیت و ب خشوع ڤە دڪەت و هەروەسا د نڤێژێ دا دزانیت یێ ل بەرانبەر خودێ و د گەل خودێ د ئاخڤیت.

(الوابل الصیب (٤٠_٥٠) بتصرف)