نەساخی د ڕەمەزانێ دا. 

نەساخیێ سێ حالەت هەنە دڕەمەزانێ دا ئەو ژی ئەڤەنە: 

حالەتێ ئێڪێ: 

ئەو نەساخێ ساخبوونا وی نەبیت، نساخییەڪا بەردەوامە دگەل مرۆڤی.

ئەڤە دانا فدیێ ل سەرە، ئەو ژی دانا خوارنێ یە بو فقیرا ل شینا هەر ڕۆژەڪێ.

و مەرج نینە دەرئێحستنا خوارنێ هەر ڕوژ بیت، بەلڪو دورستە فدییا خوارنێ د هەر دەمەڪێ دەرئێخیت ل هەیڤا ڕەمەزانێ دا چ ل دەستپێڪا ل ڕەمەزانێ بیت یان ل نیڤا وێ بیت یان ل دوماهیڪا وێ بیت، یان لسەر ئێڪ بیت یان نە. 

حالەتێ دووێ:

ئەو نەساخێ هیڤیا ساخبوونا وی هەبیت، و دوماهیڪا وی بەرەف ساخبوونێ یە. 

ئەڤە خوارنێ نادەت و بەحسێ فدیێ ژی بۆ ناهێتەڪرن، بەلڪو هەردەمێ ژ نەساخیا خۆ ساخ بوو ل سەرە ڕۆژییا خۆ قەزا بڪەت. 

حالەتێ سییێ: 

ئەو نەساخێ هیڤیا ساخبوونا وی نەبیت، پاشی خودێ حەسڪر ب  حیڪمەتا وی جل وعلاە ساخ ببیت و نەساخی نەمینیت. ئەرێ ئەڤە دێ ڕۆژییا قەزا بڪەت یان خوارنێ دەربێخیت؟ 

مەسەلە دڕێژە و خیلاف تێدا هەیە 

واللَّە اعلم:

ڪو قەزاڪرن لسەر نینە، چونڪی ئەوی خوارنا دەرئێخستی بۆ فدیێ جهێ وان ڕوژییا دگریت دەمێ نەساخیا وی. 

چونڪی فدییا نەساخێ هیڤیا ساخبوونێ نەبیت ئەوە دانا خوارنێ یە بۆ فقیرێ بۆ هەر ڕۆژییەڪێ. 

 هوشدارییەڪێ ل ڤێرێ دبێژم: 

هەچیێ ڕۆژیێت ڕەمەزانا پار هەبن و بێ عوزر قەزا نەڪربن بەلڪو ژبێ خیرەتی و مژیلیێ قەزا نەڪرییە و رەمەزان ب سەردا هاتی، ئەڤە ڪفارەتا خوارنێ و قەزاڪرنێ هەردوو لسەر واجبن. 

دبیت ئێڪ بێژیت چەوا دێ زانن نەساخیێ هیڤیا ساخبوونێ هەیە یان هیڤیا ساخ بوونێ نینە؟ 

ئەڤە بۆ دڪتوڕێ تایبەتمەند دمینیت، چونڪی ئەو زاناترە ب حالێ نەساخی و زیانا بگەهیتە نەساخی ئەگەر ب ڕۆژی بیت 

هيا بنت سلمان الصباح

🗓 الرابع من شهر رمضان لعام ١٤٤١.