ئەڤ وەسواسا بێی دەستویری هێرش دڪەتە سەر مروڤی مروڤ دێ ژێ ب سلامەت بیت ب چەند تشتەڪا ڪو سوننەتێ بەرێ مە یێ دایێ:

١_ڪو مروڤ بێژیت: (آمنت بالله) ئانڪو: (من ئیمان ب خودێ ئینا). یان وەڪی د ریوایەتەڪادی دا هاتی ئەڤ زێدەهییە د گەل دا: (وَرُسله) (آمنت بالله ورُسله).

و هندەك ریوایەتێن دی: مروڤ بێژیت: (الله الصمد)، (الله أحد)، (الله الصمد لم یلد ولم یولد ولم یڪن له ڪفوا أحد).

یان وەڪی هاتی ژ ئبن عەبباسی -خودێ ژێ رازی بیت-: (هو الأول والآخر والظاهر والباطن وهو بڪل شيء علیم). ئەڤە هەمی دڪەفتە د بن ڤی بەشی ڤە: (آمنت بالله).

یان دێ بێژی: (آمنت بالله). یان ژی دێ ئێڪ ژ وان تەفاصیلا بێژی ڪو گرێدای ئیمانا ب خودێ بیت: (الله أحد الله الصمد) ئەڤە ئیمانە ب خودێ و نویڪرنا ئیمانێ یە.

و مەرەم نە ئەوە ڪو تو مجرد ب دەڤی بێژی، بەلڪو مەرەم ئەوە ئەڤ ئیمانە د دلی دا نوی ببیت، چونڪی ئەڤ ئیمانە ب ئانەهییا خودێ ڤێ وەسواسا هێرش ڪرییە سەر دلی دڪەتە دەر ژ دلی.

_یا دووێ: مروڤ خو ب خودێ ب پارێزیت ژ شەیطانێ دویرڪری ژ رەحما خودێ (ڪو بێژیت: أعوذ بالله من الشیطان الرجیم)، وەڪی پێغەمبەری ﷺ گوتی: (فلیستعذ بالله) ئانڪو: ژ وی شەیطانێ ئەڤ وەسواسە هاڤێتییە د دلێ مروڤی دا، ژبەر هندێ د ریوایەتا وێ حەدیسێ دا یا ڪو ل دەف نەسائی د (سنن الڪبری) دا گوت: (ولیستعذ بالله من الشیطان) چونڪی شەیطانە ڤێ وەسواسێ د هاڤێتە د دلێ مروڤی دا.

و ئەڤە هشڪڪرنا سەرەڪانییا ڤێ وەسواسێ یە.

_یا سییێ: سێ جار تف ڪەتە سەر رەخێ خو یێ چەپێ، و ئەڤە ب دویڤ ئستیعاذێ یە، خو ب خودێ ب پارێزیت ژ شەیطانی و سێ جار تف ڪەتە لایێ چەپێ.

_یا چارێ: ئەڤان هزرا ب دوماهی بینیت، چونڪی د حەدیسێ دا گوت: (ولینته): ئانڪو نەفسا خو ب راوستینیت ژ ڤێ وەسواسا ڪەفتییە د نەفسا وی دا ڪو بەردەوام ل دویڤ بچیت و هزر تێدا بڪەت.

د حەدیسا عائیشایێ دا -خودێ ژێ رازی بیت- یا هاتی د تەمامییا وێ دا گوت: (فإن ذلك یذهب عنه).

ئەڤ چەندە وەسواسێ ل دەف وی ناهێلیت. و ئەڤە خەبەرە ژ دەف پێغەمبەری ﷺ ڪو ئەگەر مروڤی وەڪر ئەڤ وەسواسە ل دەف نامینیت.

ژبەر هندێ دڤێت موسلمان ئێڪسەر ڤان رێڪا ب مفا بجهـ بینیت.

شرح مختصر صحیح مسلم للحافظ المنذري (١١)/عبدالرزاق البدر حفظه الله.