پەیڤا خێرێ ب ڪێم نەبینە، دبیت ئەو ببتە ئەگەرێ رزگاربوونا ڪەسەڪی.

_مەوقفێ ئێڪێ:

ئێك دبێژیت: ئەز د گەل هەڤالەڪی بووم ل دەورەڪا حەفتییانە، ئێك ژ وان پەیڤەڪا کورت گۆت ژ سێ دەقا زێدەتر نەبوری، ل دۆر ڕۆژیا ڕۆژا دووشەنبی د ئاخفت و خێرا وێ، ئەز چوومە ماڵ و من ئەڤ تشتە بۆ هەڤژینا خۆ گۆت، ڤێجا مە بریار دا ئەم ب ڕۆژی بین ڕۆژێن دووشەنبی، ژ وێ ڕۆژێ مە دەستپێڪر و سیهـ ساڵا ئەم بەردەوام بووین، و گەهشتە نیزیڪی سێ هزار ڕۆژان و ئەڤ هەمی سێ هزار ڕۆژە وەڪی وێ خێرێ دێ چیتە د تەرازییا وی ڪەسی دا یێ بوویە ئەگەر.

_مەوقفێ دووێ:

ئێك دبێژیت: من ریسالەڪا موبایلێ بۆ هەڤالەڪێ خۆ ڤرێڪر ل دۆر خێرا نڤێژا تێشتەگەهێ (الضحی) و پاشی من ئەڤ ریسالە ژبیرڪر، و پاشی پشتی فەترەڪا درێژ نیزیڪا دەهـ ساڵا ئەم گەهشتینە ئێك و ئاخفتنا مە چوو سەر بابەتی، هەڤالێ من بیرا من ل وێ ریسالێ ئینا ڪو من بۆ ڤرێڪربوو، و گۆت ئەڤە ژ وێ ڕۆژێ و هەتا ئەڤرۆ بەردەوام ئەز یێ دڪەم ئەڤە دەهـ ساڵە.

_مەوقفێ سییێ:

ئێك دبێژیت: عەمرێ من پێنجی سالن، گۆت ئەڤە ٣٥ سالە ئەز زڪرێ سپێدە و ئێڤارییان د خوینم، فلان ڪەسی ئەز فێرڪربوومێ.

_مەوقفێ چارێ:

ئێك دبێژیت: عەمرێ من نیزیڪی شێستێ بوو و ئەز ئایەتا (الڪرسي) پشتی هەر نڤێژەڪێ دخوینم.

فلان ڪەسی ب من دابوو ژبەرڪرنێ وەختا ئەز یێ بچیك.

_مەوقفێ پێنجێ:

ئێك ژ قوتابییان دبێژیت و ئەو ل دووێ ناڤنجی بوو، دبێژیت: ئەز ل وەلیمەڪێ بووم یا هندەك نیزیڪێن مە، وەختا مە نڤێژ ڪری و ئەم ژ مزگەفتێ دەرڪەفتین، ئێك ژ هەڤالێن من گۆتە من و ئەو ل پولا پێنجێ سەرەتایی بوو، ب ڤێ لەهجێ گۆتە من: ئەگەر تە بڤێت بچییە بەحەشتێ ئایەتا ڪورسی پشتی هەر نڤێژەڪێ بخوینە، دبێژیت: ئەڤە سێ سالە بەردەوام ئەز د خوینم، و ب ئانەهییا خودێ دێ بەردەوام خوینم.

_مەوقفێ شەشێ:

بابەك دبێژیت: ئەز حەسویدییێ ب هەڤژینا خۆ دبەم چونڪی بەری من ڕاڪر و عەیالێ من فێری سورەتا (الفاتحة) ڪر.

ئەڤ هەمی مەوقفە و یێن وەڪی ڤان دێ وەڪی ئەجرێ وی بۆ تە هێتە نڤیسین یێ ڤان ڪارا دڪەت.

ڤێجا گەلی خۆشڤییان... بلا چو مەجلس ژ تە نەچن، یان دەرسەك ژ دروسان ئەگەر تو تشتەڪی تێدا نەچینی کو ئەجر بۆ تە پێڤە بهێت.

و گەلی پەروەردەڪاران... پەروەردەڪرنا قوتابی و زاروکێن خۆ بۆ خۆ ب خێر حسێب بڪەن چونڪی ئەڤە صەدەقە جارییە، و ئەو ژ وان مەوقفایە یێن مەعنەوی یێن کو د خیلالێ وان دا گەلەك خێر و ئەجر بۆ خودانی دهێنە نڤیسین.

ئؽػ ژ صالحان د شروڤەڪرنا وی بۆ حەدیسێ دا، دبێژیت: هزر نەڪە ڪو گۆتنا پێغەمبەری ﷺ: (علم ینتفع به) یا تایبەتە ب زانایان ڤە یێن ڪو موڪم بووین د علمی دا، بەلێ ئەگەر تە ئایەتەك یان حەدیسەك گەهاند و خەلڪێ مفا ژێ دیت پشتی مرنا تە، هنگی دێ ئەجرەڪێ مەزن گەهتە تە، ئەجرێ وی علمی و یێ ڪارڪرنا ب وی علمی، ڤێجا نەفسا خۆ ژ خێرێ بێ بار نەڪە.

و هەر ریسالەڪا بۆ تە بهێت و مفایەك تێدا بیت بو غەیری خۆ ڤرێڪە دبیت مفای ژێ ببینیت و تو د تەرازییا خێرێن خۆدا ببینی ب فەضلێ خودێ.

و بیرا خۆ ل گۆتنا پێغەمبەری ﷺ بینە: (... إن الدال علی الخیر ڪفاعله) الترمذي.

و گۆتنا وی ﷺ: (لا تحقرن من المعروف شیئا...) صحیح الجامع