سوننەت وئادابێن ڕوژا ئەینیێ
سوننەت وئادابێن ڕوژا ئەینیێ
1- خو شويشتن :
پێغه‌مبه‌ر ( سلاڤ لێ بن ) دبێژيت : (( ئه‌گه‌ر ئێك هاته نڤێژا خوتبێ بلا سه‌رێ خو بشوت ))
2- لبه‌ركرنا جل و به‌رگێت پاقژ و جوان :
پێغه‌مبه‌ر ( سلاڤ لێ بن ) دبێژيت : (( جل و به‌رگێت سپى و پاقژ بكه‌نه به‌رخو , چونكى ئه‌و باشترين جل و به‌رگن , و مريێت خو پێ كفن كه‌ن ))
3- ب كارئينانا گولاڤ و بێهنێت خوش
پێغه‌مبه‌ر ( سلاڤ لێ بن ) دبێژيت : (( مافه لسه‌ر هه‌ر موسلمانه‌كێ سه‌رێ خو ب شوت و بێهنێت خوش و گولاڤا ل خو بكه‌ت و سيواكێ بكاربينيت د روژا ئه‌ينيێ دا ))
4- قوساندنا نه‌ينوكا و كورت كرنا سمبيلان
پێغه‌مبه‌ر ( سلاڤ لێ بن ) دروژا ئه‌ينيدا : (( نه‌ينوكێت خو دقوساندن و سمبێلێت خو كورت دكرن ))
5- زویی چوونا مزگه‌ڤتێ
پێغه‌مبه‌ر ( سلاڤ لێ بن ) دڤێ فه‌رمودێ دا دبێژيت : (( هه‌ر كه‌سێ روژا ئه‌ينيێ سه‌رێ خو بشوت هه‌ر وه‌كى سه‌رێ خو بو جه‌نابه‌تێ دشوت و پشتى هنگێ بچيته مزگه‌ڤتێ هه‌ر وه‌كى حێشتره‌ك كريه خێر ...
6- دوو ركاعه‌ت ( تحية المسجد )بكه‌ت
پێغه‌مبه‌ر ( سلاڤ لێ بن ) دبێژيت : (( ئه‌گه‌ر ئێك ژ هه‌وه هاته نڤێژا خودبێ و ئيمام يێ گوتارێ دخوينيت بلا دوو ركاعه‌تێت سڤك بكه‌ت و رينته خارێ ))
7- ل رێزێت به‌راهيكێ ب رينته خار
پێغه‌مبه‌ر ( سلاڤ لێ بن ) دبێژيت : (( ب خێرترين رێزێت زه‌لاما رێزێت به‌راهيكێ نه و خراپ ترين رێزێت زه‌لاما رێزێت دوماهيكێ نه , و ب خێرترين رێزێت ئافره‌تان رێزێت دوماهيكێ نه و خراپ ترين رێزێت ئافره‌تان رێزێت به‌راهيكێ نه ))
8- خو بێ ده‌نگ بكه‌ت و گوهداريا ئيمامى بكه‌ت.
پێغه‌مبه‌ر ( سلاڤ لێ بن ) دڤێ فه‌رموودێ دا دبێژيت : (( هه‌ر كه‌سێ د ده‌مێ گوتارا خوتبێ دا بێ ده‌نگيێ نه پارێزيت و باخڤيت و گوهێ خو نه‌ده‌ته گوتارێ دێ ژ خێرا نڤێژا خوتبێ بێ به‌هر بيت ))
9- پێت خو د سه‌ر ملێت نڤێژكه‌ران رانه هاڤێژيت
. جاره‌كێ زه‌لامه‌ك هاته نڤێژا خوتبێ و پيێت خو د سه‌ر ملێت خه‌لكێ را دهاڤێتن و پێغه‌مبه‌ر ( سلاڤ لێ بن ) گوتێ : (( روينه خار و پيێت خو لسه‌ر ملێت خه‌لكێ را نه هاڤێژه و گونه‌هـ گه‌هشته ته تو دره‌نگ هاتى و خێر نه گه‌هشته ته ))
10- سلاڤ دانا سه‌ر پێغه‌مبه‌رى.
پێغه‌مبه‌ر ( سلاڤ لێ بن ) دبێژيت : (( ب قه‌درترين روژێن هه‌وه روژا ئه‌ينيێ يه و گه‌له‌ك سلاڤان د ڤێ روژێ دا بده‌نه سه‌ر من چونكى سلاڤێت هه‌وه دێ گه‌هنه من ))
11- خواندنا سوره‌تا كه‌هف د شەڤ و روژێن ئەینیێ دا.
عربة الشراء