13 شیرەتێن خودێ د سورەتا ئیسراء دا ل مەکرین
1. تو -ئه‌ى مرۆڤ- چو شريكان بۆ خودێ د په‌رستنێ دا نه‌دانه، ئه‌گه‌ر تو دێ شه‌رمزار وڕویڕه‌ش بى.
2. خودايێ ته -ئه‌ى مرۆڤ- فه‌رمان دايه كو په‌رستنا وى ب تنێ بێته‌كرن.
3. وفه‌رمان ب قه‌نجییا د گه‌ل باب وده‌يكێ كرییه، و ب تايبه‌تى ده‌مێ ئه‌و پير دبن، ڤێجا ئه‌گه‌ر ته تشته‌ك ژ ئێك ژ وان يان ژ هه‌ردووان گوهـ لێ بوو تو بێنا خۆ ته‌نگ نه‌كه ووان حسێب نه‌كه باره‌كێ گران، وگۆتنا نه‌خۆش نه‌بێژه وان، خۆ تو نه‌بێژێ: ئۆف! كو كێمترين په‌يڤا نه‌خۆش ئه‌وه، وكاره‌كێ كرێت د ده‌حه‌قا وان دا بلا ژ ته ده‌رنه‌كه‌ڤت، به‌لێ د گه‌ل وان يێ نه‌رم به، وهه‌رده‌م ب گۆتنه‌كا نه‌رم وجوان وان باخێڤه‌وتو چه‌نگێ خۆ بۆ ده‌يك وبابێ خۆ بشكێنه وڕه‌حمێ ب وان ببه، و ل ساخى ومرنا وان تو داخوازێ ژ خودايێ خۆ بكه كو ب دلۆڤانییه‌كا به‌رفره‌هـ دلۆڤانییێ ب وان ببه‌ت، كانێ چاوا وان صه‌بر ل سه‌ر په‌روه‌رده‌كرنا ته كێشايه ده‌مێ تو زارۆكه‌كێ بێ هێز وشيانخودايێ هه‌وه -گه‌لی مرۆڤان- ب وى تشتێ د نه‌فسێن هه‌وه دا ژ خرابى وباشییان زاناتره. ئه‌گه‌ر مه‌خسه‌دا هه‌وه ڕازيبوونا خودێ بت، هندى خودێیه بۆ وان يێن هه‌رده‌م ل وى دزڤڕن باش گونه‌هـ ژێبره، ڤێجا يێ خودێ بزانت كو ژ ڤيانا وى وتۆبێ زێده‌تر چو د دلێ وى دا نينه، خودێ دێ وى عه‌فى كه‌ت، وگونه‌هێن وى يێن بچويك يێن كو هه‌ر ژ مرۆڤان چێ دبن دێ بۆ وى ژێ به‌ت.
4. وتو باشییێ د گه‌ل هه‌ر ئێكێ ب مرۆڤاينییێ نێزيكى ته دبت بكه، ومافێ وى ژ قه‌نجى وباشییێ بدێ، وتو قه‌نجییێ د گه‌ل هه‌ژارێ پێتڤى وڕێڤنگێ بێ مال وحال بكه، وتو مالێ خۆ د تشته‌كى دا يێ خودێ پێ ڕازى نه‌بت خه‌رج نه‌كه، وده‌ستبه‌ردانێ نه‌كه هندى ئه‌ون يێن ده‌ستبه‌رداى ومالێ خۆ د گونه‌هان دا خه‌رج دكه‌ن د گونه‌هێ وخرابییێ دا ئه‌و وه‌كى شه‌يتانانه، وشه‌يتان ب قه‌نجییا خودايێ خۆ گه‌له‌ك يێ كافربوو.
5.وئه‌گه‌ر ته چو نه‌دا وان يێن فه‌رمان ب دانا وان ل ته هاتییه كرن؛ چونكى ته چو نه‌بت بده‌يێ حه‌تا خودێ ڕزقه‌كى ژ نك خۆ بده‌ته ته، تو گۆتنه‌كا نه‌رم وجوان بێژه وان، وه‌كى دوعايێ بۆ بكه‌ى كو خودێ وان ده‌وله‌مه‌ند بكه‌ت وڕزقێ وان به‌رفره‌هـ بكه‌ت، وتو سۆزێ بده وان كو ئه‌گه‌ر خودێ ژ قه‌نجییا خۆ ڕزقه‌ك دا ته تو ژى دێ ژێ ده‌يه وان.
6. وتو ده‌ستێ خۆ ژ دانا خێران نه‌گره، كو ل سه‌ر خۆ ومالا خۆ ومرۆڤێن پێتڤى به‌رته‌نگ بكه‌ى، وتو هند يێ ده‌ستبه‌رداى ژى نه‌به، كو ژ تاقه‌تا خۆ زێده‌تر مالی بده‌ى، ڤێجا خه‌لك لۆمه‌ى ته بكه‌ن وتو لۆمه‌لێكرى بڕوينى، په‌شێمان ببى سه‌را ده‌ستبه‌ردان وپويچكرنا مالێ خۆ هندى خودايێ ته‌يه ڕزقى ل سه‌ر هنده‌ك مرۆڤان به‌رفره‌هـ دكه‌ت، و ل سه‌ر هنده‌كان به‌رته‌نگ دكه‌ت، ل دويڤ زانين وحكمه‌تا خۆ. هندى ئه‌وه ئه‌و ب نهێنییێن به‌نییێن خۆ يێ ئاگه‌هداره.
7. وهوين -گه‌لی مرۆڤان- ژ ترسا هه‌ژارییێ دا زارۆكێن خۆ نه‌كوژن؛ چونكى خودێیه ڕزقى دده‌ته به‌نییێن خۆ، كا چاوا ڕزقێ هه‌وه دده‌ت وه‌سا ڕزقێ عه‌يالێ هه‌وه ژى دێ ده‌ت، هندى كوشتنا زارۆكانه گونه‌هه‌كا مه‌زنه.
8. وهوين خۆ نێزيكى زنايێ وده‌سپێكێن وێ نه‌كه‌ن؛ دا هوين تووش نه‌بنێ، هندى ئه‌وه ئه‌و كاره‌كێ زێده كرێته، وڕێكا وێ ڕێكه‌كا پيس بوويه.
9. وهوين بێ حه‌ق وێ نه‌فسێ نه‌كوژن يا خودێ كوشتنا وێ حه‌رام كرى. وهه‌چییێ بێى حه‌قه‌كێ شه‌رعى بێته كوشتن ب ڕاستى مه ده‌سهه‌لات دايه سه‌ركارێ وى -چ ميراتگرێ وى بت يان حاكم بت- كو وى بكوژت يان ژى داخوازا خوينێ ژێ بكه‌ت، وچێ نابت بۆ سه‌ركارێ كوشتى كو زێده‌گاڤییێ ل سه‌ر وى توخويبى بكه‌ت يێ خودێ داناى، هندى خودێیه هاريكارێ سه‌ركارێ كوشتییه حه‌تا ئه‌و حه‌قێ خۆ وه‌ردگرت.
10. وهوين ته‌صه‌رروفێ د مالێ وان زارۆكان دا نه‌كه‌ن يێن بابێن وان مرين، وئه‌و ماينه ل به‌ر ده‌ستێ هه‌وه، ب وێ ڕێكێ نه‌بت يا بۆ وان باش بت، حه‌تا ئه‌و زارۆك مه‌زن دبن، وهوين وه‌فادارییێ ب هه‌ر په‌يمانه‌كێ بكه‌ن يا هه‌وه داى. هندى په‌يمانه خودێ ل ڕۆژا قيامه‌تێ پسيارا وێ ژ خودانى دكه‌ت.
11. وهوين پيڤانێ ب تمامى پێك بينن، وئه‌گه‌ر هه‌وه بۆ ئێكى پيڤا چويێ ژێ كێم نه‌كه‌ن، وهوين ب ته‌رازییا ڕاست كێشانێ بكه‌ن، هندى كرنا دادییێ د پيڤان وكێشانێ دايه د دنيايێ دا بۆ هه‌وه چێتره، و ل ئاخره‌تێ ژى ل نك خودێ باشتره.
12. وتو -ئه‌ى مرۆڤ- ل دويڤ وى تشتى نه‌چه يێ تو چو ژێ نه‌زانى، به‌لكى خۆ ژێ پشتڕاست بكه پاشى. هندى مرۆڤه يێ به‌رپسياره ژ وى تشتێ وى گوهـ وچاڤ ودلێ خۆ تێدا ب كار ئيناى، ڤێجا ئه‌گه‌ر وى ئه‌و د باشییێ دا ب كار ئينابن ئه‌و خێرێ دێ وه‌رگرت، وئه‌گه‌ر وى ئه‌و د خرابییێ دا ب كار ئينابن دێ ئێته جزادان.
13. وتو ب خۆمه‌زنكرن ڤه ل عه‌ردى نه‌گه‌ڕه؛ چونكى تو ب ڕێڤه‌چوونا خۆ ل سه‌ر عه‌ردى نه‌شێى عه‌ردى بكه‌لێشى، وتو ب خۆمه‌زنكرنێ ناگه‌هییه بلندییا چيايان.
ئه‌و گۆتن وفه‌رمانێن بۆرین هه‌مى، تشتێ خراب ژێ خودێ نه‌ڤێت، وئه‌و بۆ به‌نییێن خۆ يێ پێ ڕازى نينه.
عربة الشراء