① وێ سورەتا کورت یا تو روژانە دخوینی بگۆهورە.

② هەست بکە کۆ ئەڤ دونیایە هەمی بەر ب سوجدەکا بتنێ یا ب خشوع ناکەڤیت.

③ ودەمێ دچیە سوجدێ بلا لبیراتە بت کۆ نوکە نێزیکترین جهە تو نێزیکی خودێ دبی، ڤێجا سوجدا خۆ درێژ بکە ، وهیڤیێن خۆ بۆ خودێ بێژە.

④ بلا لبیراتە بت دەمێ تو دناڤ هزرادا دچی و دهێی د نڤێژێ دا، وهزراتە هەمی لسەر دونیایێ یە ، تو بزانە خودایێ تە یا زانایە ب تشتێ نهێنی و ئاشکرا، وهندی ئاخرەتە باشتر و بخێرترە.

⑤ بلا پێین تە وچاڤێن تە و گۆهێن تە وساخلەمی ودەولەمەندیا تە بو خودێ بڕاوەستێن ب هەمی خوشکاندن وسۆپاسیڤە.

⑥ خۆشیێ ب نڤێژا خو ببە ، هەتا بوتە خوشی ژێ چێبت ، هەروەکی پێغەمبەری سلاڤ لێبن گۆتیە بیلالی:"مە ب نڤێژا ئارام بکە ئەی بیلال"!.

⑦ بەرەڤ نڤێژێ هەرە هەروەکی زارۆک بەرەڤ باوەشا دایکا خۆ دچیت ، هەرە و سوجدێ ببە، ئێکا هند بکە هەتا رەحما خودێ تە هەمبێز بکەت ، چنکی ئەو گەلەک ب رەحمترە بوتە ژ دایکا تە یا کۆ تو ژێبووی!

⑧ ژبەری بچیە دیدارا خودێ خو بێهن خۆش بکە و خۆ بسەروبەر بکە ، ودلێ خو ئامادەبکە ..وبێژە: ئەی خودا چ تشتی نەهێلیە ددلێ مندا ژبلی خۆ .

⑨ وبلا لبیراتە بت کۆ خودایێ بلند یێ گۆتی: نڤێژ یان گران و ب زەحمەتە ل سەر وان نەبیت یێن خاشع و ژخودێ تڕس. ⑩ ودەمێ تو نڤێژێ دکەی هزر بکە نڤێژا خاترخاستنێ یە ، ئانکۆ چ نڤێژێن دی پشتی ڤێ ناکەی وئەڤە دۆماهییە.