ژ ئادەمی یان ژ مەیمینکێ؟

مفروضە ئەم موسلمان ژێدەرێن خو ژ وەحیێ وەربگرین نە ژ چ جهێن اصل بوو نەی یان ژ هندەڪ ڪەسێن مولحد.
.
هندی قورئانێ بو مە بەحس ڪری ڪو ئادەم (علیه السلام) بابێ بەشەریەتێ یە، ودەربارەی چێڪرنا ئادەمی ل گەلەڪ ئایەتان دا خودێ یا بەحس ڪری، ژ وان: {وَلَقَدْ خَلَقْنَا الْإِنسَانَ مِن سُلَالَةٍ مِّن طِينٍ} [المؤمنون: ١٢]
ئانڪو: (و ب ڕاستى مه‌ ئاده‌م ژ ته‌قنه‌كا ژ هه‌مى لايێن عه‌ردى هاتییه‌ وه‌رگرتن ئافراند).
.
و ل ئایەتەڪا دی دا: {الَّذِي أَحْسَنَ كُلَّ شَيْءٍ خَلَقَهُ ۖ وَبَدَأَ خَلْقَ الْإِنسَانِ مِن طِينٍ* ثُمَّ جَعَلَ نَسْلَهُ مِن سُلَالَةٍ مِّن مَّاءٍ مَّهِينٍ} [السجدة: ٧-٨]
ئانڪو: (خودێ‌یه‌ يێ ئافراندنا هه‌ر تشته‌كى موكم چێكرى، وى ئافراندنا مرۆڤى، كو ئاده‌م بوو، ژ هه‌ڕییێ ده‌ست پێ كر* پاشى وى دوونده‌ها ئاده‌مى ژ چپكه‌كا لاواز وبێ بها زێده‌كر).
.
.
د تەفسیرا ڤان دوو ئایەتان دا: {إِنَّ اللَّهَ اصْطَفَىٰ آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ * ذُرِّيَّةً بَعْضُهَا مِن بَعْضٍ ۗ وَاللَّهُ سَمِيعٌ عَلِيمٌ}  [آل عمران: ٣٣-٣٤]
.
ئانڪو: (هندى خودێ‌یه‌ ئاده‌م ونوح وبنه‌مالا ئيبراهيمى وبنه‌مالا عيمرانى هلبژارت بوون، وئه‌و كربوونه‌ چێترينێ خه‌لكێ زه‌مانێ وان* ئه‌و زنجيره‌كا پاقژا به‌رده‌وامن ل سه‌ر ئيخلاصا بۆ خودێ وته‌وحيدا وى، وخودێ گوهـ ل گۆتنێن به‌نیێن خۆ دبت، و ب كريارێن وان يێ زانايه‌).
.
ابن عثیمین رحمه الله دبێژیت: (بعضها من بعض) بەحسا جنسێ چێڪرنێ یە، یان ژی بەحسا ئاداب واخلاق ودیانەتییە، ویا دیار ڪو هەمییان بخوڤە دگریت،
ئانڪو کەسێن ئادەمی (مروڤ) هەمی ژ ئێڪ جنسن، نەبوویە چ مروڤەڪ ل دەستپێڪا خو مەیمینڪ بیت!
ڤێجا بنیاتێ مروڤان مروڤە، خودێ ل دەستپێڪ بابێ وان ئادەم یێ چێڪری، بەلێ ئەڤ ڪەسێن هە ل بەر ناهێن ئەو نەبیت ڪو بنیاتێ خو بزڤرینن مەیمینڪ.
.
.
(بعضها من بعض_ زنجیرەکا بەردەوام) د چێڪرنێ دا ژ ئادەمی هەتا یێن ئەڤرو، و چ گوهرین د چێڪرنێ دانەبوویە ژبلی مەسەلا هێزا لەشی، چونڪی ئادەم علیه السلام (طولە ستون ذراعا) وەڪی د فەرموودێ دا هاتی، وئەڤ چێڪرنا هە پیچ پیچ یا ڪؽم بووی هەتا گەهشتییە ڤێ ئوممەتێ چونڪی دوماهیڪ ئوممەتە.
.
.
وهەر ابن عثیمین رحمه الله دبێژت: هەچیێ ئەڤ مەسەلە بو دیار بیت وهەر یێ مجد بیت و باوەر ژ ڤی تشتی بڪەت ڪو بنیاتێ مروڤی ژ مەیمینڪێ یە ئەو ڪافرە چونڪی وی باوەر ژ غەیری خودێ کر، ودرەو ب گوتنا خودێ ڪر (والعیاذ بالله).
.