هندی بیر و باوەرن بناخەیێن دینی نە، و ب رێکا بیر وباوەران مروڤ خودایێ خو ب دروستی د نیاسیت و ب سەر رێکا دروست هەل دبیت، و هەچییێ ب سەر رێکا دروست هەل ببیت، ئەو وی سەرفەرازی و بەختەوەرییا دونیا و ئاخرەتێ ب دەست خوڤە ئینا. و هندی مروڤێ موسلمانە بیر و باوەرێن خو ژ کیتابا خودێ (کو قورئانە)، و سوننەتا پێغەمبەرێ وی _سلاڤ لێ بن_ وەردگریت. و گەلەك ژ زانایان گرنگی ب نڤیسینا بابەتێن بیروباوەران دایە، هندەك ژ وان زانایان ب درێژی ل دۆر ئاخفتییە و هندەکان ب کورتی و هندەکان ب شێوێ پرسیار و بەرسڤ، و ژ وان زانایان شێخ (محمد جمیل زینو _خودێ دلوڤانییێ پێ بەت_ ) ئەڤ پەرتووکا بچیك ب شێوێ پرسیار و بەرسڤ دانایە، دا کو ب سانەهیتر بیت بو ژبەرکرنێ و مفا دیتنێ، کو پێك هاتییە ژ (٥٩) پرسیار و بەرسڤان، و بو بەرسڤا هەر پرسیارەکێ بەلگە ژ قورئانێ و سوننەتێ ئینایە.