ڕەوشا سەلەفان د هەیڤا ڕەمەزانێ دا

وەرگێران: م. کۆسار عبدالعزيز
بادینیکرن: ئەڤین علي حسێن

پێشەوایێن چاک ئانکو (سەلەف) بها و ڕێزا مەزن یا ڤێ هەیڤێ دزانین، و بشێوەیەکێ تایبەت ژ هەیڤێن دی تر کارێن چاک و خێرێن پتر دکرن دڤێ هەیڤێ دا، ژبەر هندێ دا ڕازی بونا خودایێ مەزن بدەست خۆ ڤە بین و دەستڤەئینانا وی پاداشتێ مەزن ژلایێ خودایێ مەزن ڤە، هندەک ژ پێشیێن چاک (سەلەفان) دوعا ژ خودێ دکرن خودێ وان بگەهینیتە هەیڤا ڕەمەزانێ، وشەش هەیڤا پشتی ڕەمەزانێ دوعا ژخودێ دکرن کو خودێ پەرستن و ڕۆژی و دوعایێن وان یێن هەیڤا ڕەمەزانێ ژوان قەبیل بکەت.
عبدالعزیز کورێ داود دبێژیت: ئەگەر گەهشت با هەیڤا ڕەمەزانێ گەلەک پێکول دکرن بۆ کرنا کارێن چاک و گەلەک پەرستن دکر، و پشتی کرنا ڤێ چەندێ هەمی خەما وی ئەو بۆ کا خودێ ئەڤ کارە ژێ قەبیل کرینە یان نە. 
وەرن خوشک و برایێن بەرێز دا ئەم بەرێخودانەکێ بکەین بۆ ڕەوشا سەلەفان  دڕەمەزانێ دا، کو هەمی خەما وان ئەو بۆ ب دلسوزی پەرستنێ بکەن و کارێن چاک بکەن دڤێ هەیڤێ دا، بلا ئەم ژی چاڤلێکرنا وێ کومەلا چاک بکەین کو ل مەیدانا پەرستنا خودێ دا و کرنا کارێن چاک دهەیڤا ڕەمەزانێ دا، و ڕاستییا مەزناهییا پەرستنێ بزانین دڤێ هەیڤێ دا، وکاری بۆ بکەین و خۆ بۆ ئامادە بکەین.