چل فەرموودە د داخوازکرنا زانینێ و بهایێ وێ دا 

بەرهەڤکرن: أبو سليمان المختار بن العربي مؤمن.
وەرگێران: م. شیڤان شێخەمیری.
زنجیرا: چلینەیان.
هژمارا زنجیرێ: (3).
ژ بەرهەمین: سایتێ مزگەفت (https://mzgaft.com/).

دەربارەیی پەرتووکێ: هندی زانین وداخازکرنا وێیە ژ بەرێزترین وچێترین کاروکریارانە، وفەزڵ و بهایێ وێ ژ هندێ مەزنترە بهێتە بەحسکرن، ودیارترە ژ هندێ بهێتە ئاشکرا کرن، چونکی ئەو پیرۆزترین داخازییە ل دەف هەر کەسەکێ، و مروڤێن قەنج بزاڤ و هەڤرکیێ دکەن د دەستڤەئینانا وێ دا، ژبەرکۆ هەر کەسێ بدەستخۆڤە ئینا دێ بسەر یێن دی کەڤیت، و یێ زانین ل دەڤ وی پەیدابیت دێ شارەزاییا وی دناڤ واندا دیار بیت، وخودایێ مەزن پلەیێن وان یێن بەرز وبلند کرین، و قەبویل نەکرییە کۆ وەکهەڤی دناڤبەرا وان و غەیری واندا بهێتە کرن د چەندین هەلکەفتاندا، وەکی کەرەم دکەت-: (يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ).
زانین هند یا ب قەدر و قیمەتە هەر کەس حەز دکەت بهێتە پالدان بۆ وی، ونەزانین هندا کرێتە هەر کەس حەز دکەت ژ وی بهێتە لادان، خۆ هەکە کەسەکێ نەزان ژی بیت.
وبێگومان چ دین و ئایدولوژییا هندی دینێ مە یێ پیرۆز گرنگی ب خاندن و نڤیسین و زانینێ و داخازکرنا وێ نەدایە، وەک دێ بۆتە دیاربیت دڤان چل فەرموودێن دڤێ پەرتوکێ دا هاتین، هەر چەندە ئەڤە مستەکە ژ بێدەرەکا مەزن.