کتاب (بر الوالدین) یا ئیمامێ بوخاری -رحمه الله-
و دویڤدا (چاکییا دگەل دایک و بابان)

نڤیسین: محمد بن إسماعیل البخاري.
وەرگێران: م. شیڤان شێخەمیری.
ژ بەرهەمین: سایتێ مزگەفت.

دەربارەیی پەرتووکێ: باشی وجامێریا بابی بلندترە ژ گۆپیتکان، خوشی و نازکیا دەیکێ کویرترە ژ ئوقیانوسان، ڤێجا کا چەوا مافێ تە دانە تە دەمێ تۆ یێ لاواز، تۆ ژی مافێ وان ژبیرنەکە دەمێ ئەو د لاواز، قەنجیا دگەل دەیکێ و بابی ڕێکا چوونا بەحەشتێ یە، و ئەگەر تە بڤێت زاڕۆکێن تە قەنجیێ و باشیێ دگەل تە بکەن، تۆ قەنجیێ  چاکیێ دگەل دایک و بابێن خۆ بکە.
خودێ لەزێ ل مرنا وی عەبدی دکەت یێ خراب دگەل دایک و بابێن خۆ دا لەزێ ل عەزابدانا وی بکەت، و خودێ تەمەنێ وی عەبدی درێژ دکەت یێ باش و قەنج دگەل دایک و بابێن خۆ دا پتر قەنجیێ وچاکیێ بکەت.

ئەڤ پەرتوکا ل بەر دەستێ تە وەرگێڕانا پەرتوکا (بر الوالدین) یا ئیمامێ بوخارییە -رحمە الله-
بەلێ دچەند بەرپەرەکێن کێم دا من چەند بابەتەکێن گرێدای قەنجی و چاکی و دلهێلانا دەیبابان نڤیسیە، دا پتر ناڤەروکا پەرتوکێ ڕوون ببیت (وەرگێڕ).