گۆتاره‌كا كورت ل دۆر باوه‌ری ئینانێ ب پێغەمبەران (بەشێ ئێکێ)

گۆتارخوین: شێخ: ماجد سلیمان الرسي.
وەرگێڕان: سیروان محمدصالح.
زنجیرا: گۆتارێن ئەینیێ.
هژمارا زنجیرێ: (17).
ژ بەرهەمین: سایتێ مزگەفت.

دەربارەیی گۆتارێ:  دەمێ کەسەکێ باوەری ب هەبوونا خودێ هەبیت؛ پێدڤییە ئەوی باوەری ب هندێ ژی هەبیت کو خودێ ئەم نەهێلاینە ب تنێ و ڕێکا دروست بۆ مە دیارکری، و یا زانایە کو خودێ ئەڤ چەندە ب ڕێکا پێغەمبەرێن خۆ کرییە و ئەڤ پێغەمبەرە ناڤبەندن د ناڤبەرا خودێ و عەبدێن ویدا، ژبەر ڤێ چەندێ ژی گەلەکا گرنگە مە زانین ل دۆر پێغەمبەرینی و پێغەمبەران هەبن و بزانین کا پێغەمبەرێن خودێ کینە و ئەوان چ سالۆخەت هەنە و کارێ وان چییە.

ژ بەر گرنگییا ڤی بابەتی؛ نڤیسەری دوو گۆتارێن تەمام بۆ ڤی بابەتی تەڕخانکرن و د هەر گۆتارەکێدا دەهـ خال بەحسکرن کو باوەری ئینانا ب پێغەمبەران ل سەر مرۆڤی فەر دکەن.