چلینەیا جوان د خێرا قورئانێ دا

بەرهەڤکرن: ئەسەدەدینێ کوڕێ عومەرێ ئەیوبی.
وەرگێڕان: شیڤان شێخەمیری.
زنجیرا: چلینەیان.
هژمارا زنجیرێ: (22).
ژ بەرهەمین: سایتێ مزگەفت.

دەربارەیی پەرتووکێ: قورئانا پیرۆز پەیڤا خودایێ مەزن و دلۆڤانە، ئەوا ل سەر پێغەمبەرێ مە یێ خوشتڤی موحەممەد ﷺ ب ڕێکا وەحیێ هاتیە خار، داکو ببیتە ڕێبەر و ڕوناهی بۆ هەمی مرۆڤایەتیێ.
ئەڤ کتێبا پیرۆز دەستوورێ ژیانێ یە، بۆ ڕێکخستنا کاروبارێن دونیایێ و مسۆگەرکرنا بەختەوەرییا ئاخرەتێ، فەزل و قەدرێ وێ هندێ مەزنە کو خودانێ وێ بخۆ دایە دیارکرن، خواندن و تیلاوەتا وێ عیبادەتە و خێرەکا بێ سنوورە، وەکو پێغەمبەری ﷺ گوتی: "هەر پیتەک ژ وێ ب دەهـ خێرایە".
ڤێجا دڤێ پەرتووکێ دا، بەحسێ چەندین خێر و باشی و فەزڵ و بهایێن وێ هاتیە کرن.