بەرسڤ:

 خواندنا ڕۆقیێ بۆ نەخۆشا و كەسێن سحر لێ هاتییە کرن یان هەر نەخوشییەکا دی چ تێدا نینە، ئەگەر ڕۆقیە ژ قورئانێ و دوعایا ڕێ پێ هاتبیتە دان، و یاهاتی ژ پێغەمبەری (ﷺ) ڕۆقیە ل سەر صەحابیێت خۆ يێ خواندی و  ژوان دوعایان یێن کو ڕۆقیە پێ خواندی ئەڤەیە: (ربنا الله الذي في السماء تقدس اسمك، أمرك في السماء والأرض، كما رحمتك في السماء فاجعل رحمتك في الأرض، أنزل رحمة من رحمتك وشفاء من شفائك على هذا الوجع)

1ـ و پشتی هینگی صەحابیێت پێغەمبەمبەری(ﷺ) یێت ساخبووین

 و هەروەسا ئەڤ دوعایە ژی: (بسم الله أرقيك من كل داء يؤذيك، من شر كل نفس أو عين كل حاسد، الله يشفيك، بسم الله أرقيك)

2ـ و دوعایەك ژی یا هەی کو مرۆڤ دەستێ خۆ ب دانیتە سەر وی جهێ دئیشیت ژ لەشی و دێ بێژیت: (أعوذ بالله وعزته من شر ما أجد وأحاذر)

3ـ ژ بلی ڤان ژی کو زانایا بەحسێ وان یا کری د وان فەرمودەیان دا یێن ژ پێغەمبەری (ﷺ) ڤەگوهاستین.

بەلێ نڤێسینا ئایەتا و ذکرا و هەلاویستنا وان زانایا بۆچونێن جیاواز یێن هەین:

دناڤ وان دا یێن هەین کو ڕێك یا پێ دای، و دناڤ وان دا یێن هەین کو قەدەغە و ڕێگری یا لێ کری و یا نێزیك بۆ ڕاستیێ ئەوە کو ڕێگریێ لێ بکەن، چونکی ئەڤە ژ دەف پێغەمبەری (ﷺ) نەهاتییە، بەلکی ئەڤە یاهاتی کو قورئانێ ل سەر نەخۆشی بخوینن، بەلێ نڤێسینا ئایەتا و دوعایا و هەلاویستنا وان ب ملێ نەخۆشیڤە یان دەستێن وی یان دانانا وان ل بن دوشەك و نڤینێن وی و یێن وەکی وان، ئەڤە ژ کارێن قەدەغەکرییە ل سەر گۆتنا پەسەند ئەڤە ژی ژبەر هندێ کو چ بەلگە ل سەر نەهاتینە و هەر كەسەكێ كارەکی بكەتە ئەگەرەك بۆ کارەکێ دی بێی دەستیریا شەریعەتی هنگێ ئەو کارە ژ شرکێ دهێتە هژمارتن چونکی تشتەك کرە ئەگەر کو خودایێ مەزن نەکرییە ئەگەر.  

ژێدەر: کتێبا فتاوى أرکان الإسلام: زانایێ ـ پلەبلند: محمد بن صالح العثیمین - رحمه الله.

(1) أخرجه أبو داود، كتاب الطب، باب كيف الرقى (3892).

(2) أخرجه مسلم، كتاب السلام، باب الطب والمرض والرقى (2186).

(3) أخرجه مسلم، كتاب السلام، باب استحباب وضع يده على موضع الألم مع الدعاء (2202).