بەرسڤ:

بسم الله ، الحمدللە ، والصلاة والسلام علی رسول الله ﷺ ، وبعد.

ئێکەم تشت دڤێت تە ئینیەت هەبت بۆ راکرن وپاقژبونێ ژ عادێ (هەلبەت جهێ ئنیەتێ دلە).

پاش دێ بێژی (بسم اللە الرحمن الرحیم ).

وپاشی شویشتنا جهێ دەستئاڤێ (عەورەتی).

وپاشی دەستنڤێژگرتنەکا تمام هەروەکی بۆ نڤێژێ .

وپاشی ئاڤ بسەرێ خوداکرن و دگەل تبلێن خۆ دێ کەیە دناڤ پرچێ خودا هەتا تو پشت راستبی کۆ سەرێ تە هەمیێ یێ تەڕ (شل) بووی.

وپاشی دێ ئاڤێ ب هەمی لەشێ خو دا کەی دەستپێکێ دێ ژ لایێ راستێ دەستپێکەی ودگەل گەهاندنا ئاڤێ بو هەمی لەشێ خۆ و بتایبەت ئەو جهێن زوی ب زۆی تەڕ نابن وەک بنکەفش وناڤک ..

ول دوماهیێ دێ شەهدە دەی ودوعاکەی بڤی رەنگی :

أشهد أن لا إله إلا الله وحده لا شريك له ، وأن محمدا عبده ورسوله ، اللهم اجعلني من التوابين ، واجعلني من المتطهرين..

ـــــــــــــــــــــــــ

تێ بی نی :

①ئەڤا مە لسەری گۆتی ئەو ب سوننەت ڤەیە ، لێ دروستە بس تە ئنیەت هەبت ولەشێ تە هەمی تەڕ ببت هنگی دێ پاقژ بی ژ بێ نڤێژیێ، بەلێ گۆمان یا مە لسەری دایە دیارکرنێ بخێرترە .

②ئەڤ سەر شوشتنە هەروەکی سەرشوشتنا جەنابەتی یە ، وبوو هەردوو رەگەزا نێر ومێ .

③سەر شوشتنا چلکان ژی (النفساء) هەر ب وی رەنگی یە .