بەرسڤ: بویاغ ڪرنا پرچێ بەرفرەهی یا تێدا، ل دویڤ ئەڤا ل خارێ_

سپی بوونا پرچێ: سوننەتە بویاغ ڪرن نه ب رەنگێ رەش، ب رەنگەکێ وەڪی خەنایێ، یان ڪەتم (ئەوژی جورە گیایەڪە وەک خەنا دهێتە بکارئینان)، بەلێ ب رەنگێ رەش چێنابیت ژبەر گوتنا پێغەمبەری سلاڤ لێ بن: (غیروا هذا الشیب وجنبوه السواد_ئانڪو: ڤان مویێن سپی بگوهرن وخو ژ رەنگێ رەش ب دەنە پاش) وئەڤه گشتییە بو ژن وزەلامان.

بەلێ بو یێ پرچا وی سپی نەبووی: دێ مینتە ل سەر رەنگێ خو وڪا یێ چ رەنگە هەر ئەو بیت ژبلی حالەتەڪی ڪو ئەگەر رەنگێ پرچا وی هاتبیتە گوهرین ونه ل سەر رەنگێ سروشتی بیت (ئانکو یێ مشوه بیت) دێ وی رەنگی تێدەت ڪو یێ مناسب بیت و وێ گوهرینێ نەهێلیت.

وبو پرچێ سروشتی: یێ ڪو چ (تشویهـ) گوهرین تێدا نەبن ڪو ڪرێت ڪربیت، دێ هێلیتە ل سەر رەنگێ سروشتی چونڪی نه پێدڤی گوهرینێ یە، وئەگەر بویاغەڪا وەسا بیت ڪو چاڤلێڪرنا ڪافران بیت یان عەدەتەڪێ وان ئەڤە یا حەرامه بێ گومان ڤێجا چ ل سەر ئێڪ رەنگ یان رەنگا ورەنگ بیت وئەڤه ئەوه ئەوا دبێژنێ (مێش).

صالح الفوزان: المنتقي (٣/٣٢٠).

***