شێخ ئەلبانی (خودێ دلوڤانییێ پێ ببەت) د پەرتووڪا (حجاب المرأة المسلمة/ص١٣) دا دبێژیت: ئەگەر مە دویڤچوونا قورئانێ وسوننەتا پێغەمبەری سلاڤ لێ بن ورێڪا پێشیێن ئوممەتێ د ڤی بابەتى دا ڪربا، دێ دیار بیت ڪو ئەگەر ژن ژ ماڵا خو دەرڪەڤت دڤێت هەمی لەشێ خو ستارە بڪەت، و چو ژ جوانییا خو پێش چاڤ نەڪەت، ژبلی وەجهــ و هەردوو دەستا ئەوژی ئەگەر د سەردەمەکێ وەسا دابیت کو فتنە تێدا زور بن دڤێت ناڤچاڤان ژی ب ڤەشێریت،

و ژ مەرجێن جلڪا ژنا موسلمان:

١_هەمی لەشێ وێ بگریت ژبلی هەردوو دەست و وەجهی.

٢_یێ وەسا نەبیت بەرێ خەلڪی ب نڪ خوڤە بڪێشیت.

٣_نە یێ تەنڪ بیت ڪو لەش تێڕا دیار بڪەت.

٤_یێ فرەهــ بیت نە یێ تەنگ بیت.

٥_جلڪەڪێ (معطر) نەبیت.

٦_نە وەڪی جلڪێ زەلامان بیت.

٧_نە وەڪی وی جلڪی بیت یێ ژنڪێن ڪافرا دڪەنە بەرخو.

٨_نە جلڪێ شوهرەتێ بیت (ڪو ببتە ئەگەرێ خو مەزنڪرنێ).

هشیارڪرنەڪ: وبزانه ڪو هندەڪ ژ ڤان مەرجان نە تنێ گرێدای ژنڪانە، بەلڪو هەردوو تێدا پشڪدارن ژنڪ وزەلام، ودیسان هندەڪ ب ئێڪجاری حەرام دبن ڤێجا چ بو ژ دەرڤە بیت یان د ناڤ ماڵ دا، وەڪی هەر سێ مەرجێن دوماهییێ.