بەرسڤ:

خاندنا سورەت فاتحة و ژبلێ وێ ژ قوڕئانێ بۆ  مرییان ج بەلگە ل سەر نینن واجبە ئەڤ کارە بهێتە هێلان و نەهێتە کرن؛ چونکی ژ پێغەمبەری ﷺ و ژ هەڤالێت وی خودێ ژوان رازیبت نە هاتییە ڤەگوهاستن کو ئەڤ کارە کربن، بەلێ  دروستە دوعا بۆ هەمی مرییێت موسلمانا بکەن و خێر پێش وانڤە بهێنەکرن، بقەنجیێ دگەل هەژار و دەستکورتا،

بەندە ب ڤێ چەندێ خو نێزیکی خودێ دکەت و داخازێ ژێ دکەت خێراوی بۆ بابێوی یان دەیکاوی یان ژبلی وان ژ مرییان یان زیندییان حسێب بکەت ؛ ژبەر گوتنا پێغەمبەری ﷺ :

( إذا مات الإنسان انقطع عنه عمله إلا من ثلاثة : صدقة جارية أو علم ينتفع به ، أو ولد صالح يدعو له ) رواە مسلم(1631)

ئـانکو  " ئەگەر مرۆڤ مر کارێ وی دئێتە برین ئیلا ژ سێ کارا نەبن: خێرەکا بەردەوام هەبت(کو خەلک پشتی مرنا وی مفای بۆ خۆ ژێ بکەن) ،یان زانینەك بەڵاڤ کربیت مفا ژێ بهێتە دیتن، یان زارۆکەكێ چاك هەبیت دوعا بو بکەت" 

و چونکی هاتییە ڤەگوهاستن کو  "زەلامەکی گوتە پێغەمبەری ﷺ : ئەی پێغەمبەرێ خودێ دەیکامن مر و ج وەسیەت نەکرن ئەز ل وێ هزرێ مە ئەگەر وێ ئاخڤتبا دا خێرا بو خو کەت(ئانکو ئەگەر ئاخڤتبا دا وەسیەت ب كرنا خێرێ بۆ خو لمەکەت )ئەرێ خێر دێ گەهیتێ ئەگەر ئەز خێرا پێش وێڤە بکەم؟ پێغەمبەری ﷺ گوت:بەلێ" متفق علی صحتە

هەروەسا کرنا حەج و عومرێ ژیك پێش مرییان ڤە و ئەداکرنا قەرێت وان ئەڤە هەمی مفای دگەهینتە وان ل دیڤ وان بەلگەیێت پێ هاتین، بەلێ ئەگەر مەبەستا پسیارکەری باشی بیت دگەل مالا مری و دانا پارە و قوربانییان (سەرژێکریان) بۆ وان چ تێدا نینە ئەگەر د هەژار بن.

ژێدەر:كتاب مجموع فتاوى ومقالات متنوعة لسماحة الشيخ العلامة عبد العزيز بن عبد الله بن باز رحمه الله . م/9 ص/324

سایتێ (اسلام سؤال وجواب)