بەرسڤ:

سوننەتە شەهید ل وى جهێ لێ هاتینە کوشتن لوێرێ بهێنە ڤەشارتن، وئەڤە بووچوونا فقهزانێت هەر چار مەزهەبا و غەیری وان ژی یە.

سوننەتە شەهید د مەیدانا شەریدا بهێنە ڤەشارتن،و نەهێنە ڤەگوهاستن بۆ جهەکێ دیتر، هندەك ژ صەحابییان کوشتیێت خو ڤەگوهاستن مەدینێ، (گازیکەرێ ) پێغەمبەری ﷺ گازیکر کو پێغەمبەرێ خودێ فەرمان دا کوشتییا بزڤڕیننە ڤە بۆ مەیدانا شەڕی.

جابر دبێژت: لوی دەمێ ئەز د چاڤەرێبوونێ دا من دیت مەتامن هات وبابێمن و خالێمن دگەل خو ئینابین دانابوون سەر حێشترەکێ،و ئیناتن مەدینێ دا داکو ئەم ل گۆرستانێت خو ڤەشێرن، زەلامەك هات گازیکر گوت: پێغەمبەرێ خودێ ﷺ فەرمانێ ل هەوە دکەت هوین کوشتییا ب زڤریننەڤە، و ل مەیدانا شەری ب ڤەشێرن ئەو جهێ لێ هاتین کوشتن، گوت: مە زڤراندنەڤە و مە ل وی جهێ لێ هاتین کوشتن ڤەشارتن.

 زاد المعاد " (3/ 192-193) .

و زانایێت (اللجنة الدائمة) دبێژن:

سوننەتا عەمەلی ل زەمانێ پێغەمبەریﷺ و زەمانێ صەحابییان ژی ئەوە کو مری ل گورستانێت وی باژێری یێ لێ مرین بهێنە ڤەشارتن، و شەهید ژی ل وی جهێ لێ هاتین کوشتن بهێنە ڤەشارتن

فتاوى إسلامية "(2/ 31) .

ڤێچا ئەگەر بۆ شەهیدێت جەنگی گورستانەك ل وی جهێ لێ هاتین کوشتن بهێتە دروستکرن چ تێدا نینە

بەلێ دروستکرنا گورستانەکا گشتی بۆ هەر کەسەکێ ب شەهیدی بمریت: چ بەلگە و بنیات ل سەر ڤێ جەندێ مە د سونەتێدا نەدیتینە.

واللە اعلم

ژێدەر:ژ سایتێ الإسلام سؤال و جواب يێ شيخ محمد صالح المنجد