بەرسڤ:

بەهیداری و سەرەخوشی لێکرن (تعزیة) بو یێ موسیبەت ب سەری هاتێ دهێتەکرن ب هەر رێکەکێ ژ رێکێت دروست، چ ب رێکا نڤێسینێ بیت یان ب رێکا پەیوەندیێ یان ئاخڤتنا راستەوخو یان کەسەکێ برێکار (وکیل)بکەت پێش ڤە سەرەخوشیێ لێ بکەت؛

چونکی مەبەست ژ سەرەخوشی لێکرنێ ژبیرڤەکرنە بو ئەوێ موسیبەت ب سەری هاتی و پالدانا وییە ل سەر صەبرکێشان و رازیبونێ ب قەدەرا خودێ ، بێ گومان ئەو دهێتە کرن ب وان ڕێکێت هاتین گوتن، نە مەرجە ئیلا بچیتە دەڤ وی یێ موسیبەت بسەری هاتی و راستەوخو سەرەخوشیێ لێ بکەت ، هەرچەندە ئەڤە تمامترە.

شێخ ابن باز خودێ دلوڤانیێ پێ ببەت دبێژت:

 ئەگەر ڤییا سەرخوشیێ ل ئێکی بکەت بلا بو وان نڤێسینەکێ بنڤیسیت ،یان پەیوەندیێ بوان بکەت ب موبایلێ، یان سەرەدانا وان بکەت و ئەڤە تمامترە (باشترە).

مجموع الفتاوى" (13/408)

بوخاری (1284) و موسلم (923) ڤەدگوهێزن: 

( دەمێ نەڤیەك ژ یێن پێغەمبەری سڵاڤ لێبن یێن کچێ لبەر مرنێ، کەسەك فڕێکر بچیت بێژیتە کچا وی، پێغەمبەری سڵاڤ لێبن یاگوتی: دان و برن یێن خودێنە و هەمی تشت لدەڤ وی ب ئەجەلەکا دیارکرینە، بلاسەبرێ خۆ بکێشیت و بوخو بخێر حسێب کەت.)

ئەڤ فەرمودە بەڵگەیە ل سەر هندێ کو نە ژ مەرجێت سەرەخوشی لێکرنێ یە ، کو خودان بخو بچیتە دەڤ خودانێ موسیبەتێ، چونکی پێغەمبەر ﷺ بخو نە چوو (دەستپێکێ) سەرەخوشی ل کچا خونەکر، بەلکو کەسەك پێش خوڤە هنارت و ئەو بخو نە چوو، سەرەرای هندێ ئەوا موسیبەت بسەری هاتی ژ نێزیکترین کەسا یە بو وی (کچا ویه)، ئەڤێ چەندێ دیارکر کو سەرەخوشی لێکرن دهێت کرن ب هەر ڕێکەکا دروست.

والله أعلم