بەرسڤ:

ابن قدامة‌ خودێ دلوڤانیێ پێ ببەت دبێژت: مەکروهە ژبلی ئەوێ سەرێ مری دشوت و یێ هاری وی دکەت ئامادەبن ل دەمێ شویشتنا مری؛چونکی مەکروهە بەرێخودانا مری بهێتە کرن ئیلا بو پێدڤییەکێ نەبیت،و مستحبە بو یێت ئامادە چاڤێت خو ژێ وەرگێرن، ئیلا پێدڤییەک بیت

ئەگەرێ ڤێ چەندێ ژی ئەوە بەلکی مری کێماسییەك هەبیت ڤەشارتبیت نەڤێت بەرێخودان بو بهێتەکرن پشتی مرناوی،يان دبیت تشتەک ژ مری ب دەرکەڤیت یێ ساخ پێ خۆش نەبت کو ببینت، یان تشتەک ژێ دیار بت کو بسەرڤە هوسا دیار دکەت خرابە ڤێجا دێ بیتە هەتکچوون ،یان شەرمگەها وی دیارکەت ئەڤجا بهێتە دیتن، ژبەر ڤێ چەندێ مە ڤییا ئەوێ سەرێ مری دشوت کەسەکێ چاك و جهێ باوەریێ بیت، دا تشتێت ژ مری دبینیت ب پارێزیت انتهى من "المغني" (2/164)

و شێخ محمد المختار الشنقيطي خودێ دلوڤانیێ پێ ببەت دبێژت: هندەك زانا دەستویریێ دەن هندەك نیزیکێت مری ئامادەبن وەك دلوڤانی پێبرن، بو نموونە ئەگەر کورێ ئێکێ بیت حەزبکەت ئامادەبیت ل دەمێ شوشتنا وی، 

یان بو هندەك کەسوکارێت نێزیکێت مریی(مروڤێت وی)؛داکو ئەڤ چەندە وان پالبدەت بو رازیبوونێ ب قەدەرا خودایێ مەزن ؛چونکی دبیت هندەك نیشان دیتبن مزگینیا خێرێ بدەن و ئەڤ چەندە نێزیکێت وی پالبدەت بو بێهنڤرەهی و صەبرکێشانێ ،

و ئەڤ چەندە بەرچاڤە: بەلکێ مری هاتبیت شیشتن و هندەك نیشانێت باش ل دەمێ شیشتنا وی هاتنە دیتن ئەڤ چەندە نێزیکێت وی پالدەت بو صەبرکێشان و بخێر هژمارتنێ «شرح الزاد»

النووي خودێ دلوڤانیێ پێ ببەت دبێژت: زانایێت مەزهەبێ مە دبێژن: مستحبە کەس بەرێخو نە دەتێ ژبلی ئەوێ سەرێ وی دشوت، و کەسێ پێدڤی پێ هەبیت د هاریکاریا وی دا ل دەمێ شویشتنێ،و زانایێت مەزهەبێ مە دبێژن: و بو سەمیانێ مری دروستە ئامادەبیت ئەگەر خو شوشتن و هاریکاریێ نەکەت ژی

شرح المهذب" (5/125)

واللە اعلم

ژێدەر:سایتێ الإسلام سؤال و جواب يێ شيخ محمد صالح المنجد