بەرسڤ:

حەرامە بو یێ ب جەنابەت کو نڤێژێ بکەت یان تەوافا بکەت مانا ل مزگەفتێ و دەست کرنا قورئانێ و خواندنا قورئانێ ژبلی ڤان تشتا دروستن.

ڤێجا چ ئاریشە نینە بو ئافرەتێ ئەگەر یا بجەنابەت بیت و خارنێ چێکەت یان چاڤدێریا مال و زاروکێن خوو بکەت و پێتڤیێن خو بقەتینیت.

هندەک بەلگە لسەر ڤێ چەندێ:

① ئەبو هورەیرە رازیبونا خودێ لێ بیت دبێژیت : پێغەمبەر ﷺ گەهشتێ ل ڕێکەکێ و ئەز یێ ب جەنابەت بوم من خو گیروکر و خوڤەشارت،چوم من سەرێ خو شیشت و پاشی ئەز هاتم.

پێغەمبەری ﷺ گوت : تو ل کیڤە بوی ئەبوهورەیرە؟؟ 

ئەبو هورەیرەی گوتێ ئەس یێ ب (جەنابەت) بوم من نەڤیا ل دەڤ تە ڕینمە خوار و ئەز نەیێ پاقژ،

 پێغەمبەر سلاڤ لێ بن گوتێ: پاقژی و بلندی بو خودێ بیت، موسلمان پیس نابیت.

رواه البخاري ( 279 ) ومسلم ( 371 ) .

② عائیشە رازیبونا خودێ لێ بیت دبێژیت: پێغەمبەر سلاڤ لێ بن دەمێ یێ ب جەنابەت و ڤیابا خارنەکێ بخوت یان بنڤیت دا دەستنڤێژێ گریت وەکی یا نڤێژێ.

رواه مسلم ( 305 ) .

شێخێ ئیسلامێ ئبن تیمیە دبێژیت:

ئەوکەسێ ب جەنابەت سوننەتە بو وی دەستنڤێژێ بگریت ئەگەر ڤیا بخوت یان ڤەخوت یان بنڤیت یان بچیتە نڤینا ژنکا خو ڤە، بەلێ پا مەکروهە بو وی بنڤیت ئەگەر دەستنڤێژێ نەگریت چونکی یا جێگیر بو د صحیحا بخاری و مسلمی دا پرسیار ژ پێغەمبەری ﷺ هاتە کرن: ئەرێ دروستە کەسەك ژمە ب جەنابەت بنڤێت 

گوت: بەلێ، ئەگەر دەست نڤێژێ بگریت.

مجموع الفتاوى " ( 21 / 343 ) .

والله أعلم .