بەرسڤ:

یا ئێکێ:

دوعاکرن بۆ مرییان پشتی ڤەشارتنێ دروستە، زاروكێن مری بن و غەیری وان؛ ژبەر فەرمۆدا عثمان بن عفان خودێ ژێ رازی بیت گوت: پێغەمبەرێ خودێ ﷺ دەمی ژ ڤەشارتنا مریەکێ ب دوماهیك هاتبا دا ل هنداڤ ڕاوستیت و دگوت:(داخازا ژێبرنا گونەها و خوڕاگريێ بۆ برایێ خوە بکەن نوکە پڕسیار يێن ژێ دهێنەکرن)

رواه أبو داود (3221) ، وصححه الألباني في أحكام الجنائز ص198 

لەوا مستحبە بۆ هەر موسلمانەکی یێ ل دەمێ ڤەشارتنا جەنازەی ئامادە دوعا بۆ مری بکەت.

یا دووێ:

پێکڤە دوعاکرن پشتی ڤەشارتنا مری ئەگەر هندەك جاران بیت نە گەهیتە هندێ ببیت سونەتەکا بەردەوام، یان ڕێکبکەڤن کو ئێك دوعا بکەت و یێن دی دیڤدا بێژن ئامین ئەڤ چەندە هندەك زانا يا یێ دروست کری.

بەلێ ئەگەر بەردەوام بون لسەر ڤێ ڕێکێ هندی دیڤچوونا جەنازەکی بکەن یان سەرەدانا مرییەکی ، یان دەمەكی بۆ کومبونا خۆ دەست نیشانکەن، یان ب ئێك دەنگی دوعاکربکەن، ئەڤە دبیتە بیدعە و ژکارێت نوی یێت د ئاینیدا هاتی دەرئێخستن

پڕسیار ژ ابن بازی خودێ دلوڤانیێ پێ ببەت هاتەکرن : هندەك خەلك پشتی ڤەشارتنا مری ل دەڤ گورێ وی د راوەستن و دوعا بۆ دکەن، ئەرێ ئەڤە کارەکێ دروستە؟

و دوعایەکا تایبەت پشتی ڤەشارتنا مری هەیە؟

و ئەرێ ئەڤ ب پێکڤەیە کو کەسەك دوعا بکەت و یێت دی بێژن ئامین؟

 یان هەر کەسەك بنێ دێ دوعا کەت؟

ابن باز خودێ دلوڤانیێ پێ ببەت بەرسڤ دا گوت:

حەدیسێت دروستن یێت ژ پێغەمبەری ﷺ هاتین ڤەگوهاستن بومە دیاردکەن دروستە پشتی ڤەشارتنا مرییان دوعا بو وان بهێنەکرن ،پێغەمبەر ﷺ دەمێ ژ ڤەشارتنا مری دوماهیك هاتبا دا ل دەڤ راوەستیت و بێژیت:(داخازا ژێبرنا گونەها و خوڕاگريێ بۆ برایێ خوە بکەن نوکە پڕسیار یێ ژێ دهێنەکرن) و چ تێدا نینە کەسەك دوعا بکەت و یێن دی بێژن ئامین،یان هەر ئێك جودا دوعا بو مری بکەت، والله ولي التوفيق 

"فتاوى الشيخ ابن باز" (13/ 204)

هەروەسا پڕسیار ژ ابن باز خودێ دلوڤانیێ پێ ببەت هاتەکرن: حوکمێ پێکڤە دوعاکرنێ ل نك گوڕا چیيە؟

بەرسڤ دا گوت: 

چ رێگری تێدا نینە، ئەگەر کەسەك دوعا بکەت و یێن دی بێژن ئامین ئەڤ چەندە چ تێدا نینە، بەلێ ئەگەر نە ژ مەرەم ڤە بهێت کرن بەلکو هەما گولێ بن هندەکێ دوعا دکەن یێن دی بێژن ئامین،ئەڤ چەندە ناهێت ناڤکرن ب پێکڤە دوعاکرن چونکی نە ب مەرەم ڤە رویدايه.

فتاوى الشيخ ابن باز " (13/340)

والله أعلم 

الجنائز وأحكام المقابر

ژيدەر:ژ سایتێ الإسلام سؤال و جواب يێ شيخ محمد صالح المنجد