بەرسڤ:

ئەگەر موسلمانی ئەو زانینە هەبیت پێ بشێت به‌راوردیێ بکەت دناڤبەرا گوتنێت زانایان دا ب بەلگە ، دیتنا یا راست و دروست تر، و زانینا یا دروست تر و باشتر، ئەڤ چەندە ل سەر واجب دبیت

 چونکی خودێ فەرمان کرییە ب لێزڤرینا وان حوکم و مەسەلێت هەڤرکی ل سەر هەی بۆ قورئانێ وسوننەتێ، خودای مەزن دبێژت: {فَإِن تَنَـٰزَعۡتُمۡ فِی شَیۡءࣲ فَرُدُّوهُ إِلَى ٱللَّهِ وَٱلرَّسُولِ إِن كُنتُمۡ تُؤۡمِنُونَ بِٱللَّهِ وَٱلۡیَوۡمِ ٱلۡـَٔاخِرِۚ }[سُورَةُ النِّسَاءِ: ٥٩]

وئه‌گه‌ر هوين د ناڤبه‌را خۆ دا ل سه‌ر تشته‌كى ب هه‌ڤڕكى چوون، هوين حوكمێ وى تشتى بۆ خودێ وپێغه‌مبه‌ریﷺ بزڤرینن، ئه‌گه‌ر هه‌وه‌ ب دورستى باوه‌رى ب خودێ وڕۆژا حسێبێ هه‌بت

دێ مەسەلێت هەڤرکی ل سەر هەی زڤرینت بۆ قورئانێ و سوننەتێ، و ئەو تشتێ بۆ دیار بوی ژ لێگەریانا وی بو دیتنا یا راست و دروستتر ب بەلگە دێ وێ وەرگریت و کارپێکەت، چونکی واجبە دیڤچوون و کارپێکرن ب بەلگەیێ بهێتەکرن، و گوتنێت زانایان مفایێ ژێ دهێتە دیتن (هاریکارن) بۆ تێگەهشتنا بەلگەیان.

بەلێ ئەگەر موسلمانی ئەو زانینە نەبیت کو پێ بشێت بەراوردیێ و لێگەریانا یا دروست تر بکەت دناڤبەرا گوتنێت زانایان دا، پێدڤی یە ل سەر پڕسیارا زانایان بکەت یێت باوەریێ ب دین و زانینا وان هەی، و کارپێکرنێ ب وێ بەرسڤا بکەت، 

خودای مەزن دبێژت: {فَسۡـَٔلُوۤا۟ أَهۡلَ ٱلذِّكۡرِ إِن كُنتُمۡ لَا تَعۡلَمُونَ } [سُورَةُ الأَنبِيَاءِ: ٧] 

و زانا دبێژن مەزهەبێ کەسێ گشتی(یێ خو نە وەستاندبیت ب داخازکرنا زانینێ ڤە) مەزهەبێ وی یە یێ فەتوایا ژێ وەردگریت

و ئەگەر گوتنێت وان نەوەکهەڤ بن دێ دیڤ بوچوونا یێ زاناتر و پتر جهێ باوەریێ چیت، کا چەوا ئەگەر مروڤەك نساخ بوو ــ خودێ سلامەتیێ بدەتە مە هەمییان ــ دێ ل باشترین و شارەزاترین نوژداری گەریت و چیتە دەڤ چونکی باشترە ژ غەیری خو، پا ڤێجا مەسەلێت ئاینی چێتر و پێشداترن مروڤ تێدا هشیار بیت ژ یێت دونیایێ

و نە دروستە بۆ موسلمانی بوچوونا وان زانا وەربگریت یێت دگەل هەوایێ نەفساوی دگونجن ئەگەر بەروڤاژی بەلگەیان بیت، و نابیت داخوازا فەتوایا (بەرسڤا)ژ کەسەکێ بکەت کو ساناهیکرنێ د فەتوا دانێدا دکەت

بەلکو پێدڤییە هشیاربیت بۆ دینێ خو پڕسیارا وان زانایا بکەت یێت پتر زانین ل دەڤ هەبیت و پتر ژ خودێ بترسن

ژێدەر:سایتێ إسلام سؤال وجواب

وەرگيران بكورتكرنڤە