بەرسڤ:

گەلەڪ جار ئەڤ گوتنە دهێتە گوتن، و گوتن بخو یا دروستە بەلێ مەرەما ڤان ڪەسا ئەوە باطلی پێ بڪەن، چونڪی ئەو وەسا خو پێ دئینتە دەر ڪو هەما ئیمانا د دلی دا بەسە و پێدڤی ب بجهــ ئینانا طاعەت و هێلانا گونەهان نینه، و ئەڤە مغالطەڪا ئاشڪەرایە، چونڪی ئیمان نە تنێ د دلی دایە، بەلڪو ئیمان ئەوە وەڪی ئەهلێ سوننەتێ دیارڪری: (قول باللسان و اعتقاد بالقلب وعمل بالجوارح_ئیمان ئەوە: گوتنا ب ئەزمانییە و بیروباوەرییا ب دلییە و ڪارڪرنا ب ئەندامانە)

حەسەنێ بەصری -رحمه الله- دبێژیت: (ئیمان نە ب خوشخوشڪ و خوزیانە، بەلڪو ئەوە: د دلی دا جێگیر ببیت و ئەندام ڤێ ئیمانێ ب ڪریاران راست دەربێخن)

و ڪرنا گونەهان و هێلانا طاعەتان دەلیلە ڪو ئیمان د دلی دا نینه یان ئیمانەڪا نە تەمام یا هەی، و خودێ تعالی دبێژیت: (مَنۡ ءَامَنَ بِٱللَّهِ وَٱلۡیَوۡمِ ٱلۡـَٔاخِرِ وَعَمِلَ صَـٰلِحࣰا فَلَا خَوۡفٌ عَلَیۡهِمۡ وَلَا هُمۡ یَحۡزَنُونَ) المائدة/٦٩

ئانڪو: (هه‌چییێ ژ وان باوه‌رییه‌كا دورست ب خودێ بينت، وباوه‌رییا دورست ئه‌وه‌ باوه‌رییێ ب موحه‌ممه‌دى و ب وێ يا ئه‌و پێ هاتى بينن، وباوه‌رییێ ب ڕۆژا دويماهییێ بينت، وكاره‌كێ چاك بكه‌ت، چو ترسا ژ سه‌هما ڕۆژا قيامه‌تێ ل سه‌ر وان نينه‌، وئه‌و ل سه‌ر وى تشتێ د دنيايێ دا ل پشت خۆ هێلاى ب خه‌م ناكه‌ڤن)

و خودێ تعالی دبێژیت: (وَٱلۡعَصۡرِ (١) إِنَّ ٱلۡإِنسَـٰنَ لَفِی خُسۡرٍ (٢) إِلَّا ٱلَّذِینَ ءَامَنُوا۟ وَعَمِلُوا۟ ٱلصَّـٰلِحَـٰتِ وَتَوَاصَوۡا۟ بِٱلۡحَقِّ وَتَوَاصَوۡا۟ بِٱلصَّبۡرِ (٣)) العصر

ڤێجا تێرا مروڤی ناڪەت تنێ ڪارێ سەرڤە بێی ئیمانا دلی، چونڪی ئەڤە سالوخەتێ دووریانە، و تێرا مروڤی ناڪەت ئیمانا د دلی دا بێی گوتنا ب ئەزمانی و ڪارێ ب ئەندامێن لەشی، چونڪی ئەڤە مەزهەبێ مورجئیایە ژ جەهمییان و غەیری وان، و ئەو مەزهەبەڪێ باطلە.

و ڪرنا گونەهان دەلیلە ل سەر ڪێماسییێ د ئیمانێ دا و نە تەمامیا ئیمانێ، چونڪی ئیمان زێدە دبیت ب طاعەتی و ڪێم دبیت ب گونەهان.

المنتقی من فتاوی الشیخ صالح الفوزان (١/١٩)

و ئەگەر ئێڪ بێژیت دەلیلێ من ئەڤ حەدیسەیە (ولڪن ینظر الی قلوبڪم_خودێ تعالی سەحدڪەتە دلێ هەوە)

د صەحیحا موسلمی دا یا هاتی ب ڤێ لەفظێ: (إن الله لا ینظر الی صورڪم واموالڪم، ولڪن ینظر الی قلوبڪم واعمالڪم_هندی خودێ تعالی یە نا سەحڪەتە رەنگ و رویێ هەوە و مالێ هەوە، بەلڪو سەحدڪەتە دلێن هەوە و ڪار و ڪریارێن هەوە)

و ئەڤە دەقەڪێ ئاشڪەرایە ڪو چاڪییا دلی و چاڪییا ڪاروڪریاران هەردوو مەطلوبن ژ مروڤی.

والله اعلم.

ژێدەر:https://islamqa.info/ar/97597