بەرسڤ:

یائێکێ: گیروکرنا دوگیانیێ ل دەمەکێ ژبەر بەرژەوەندیا هەڤژین دبینن تشتەکێ دروستە و چ تێدا نینە.

د فتاوى اللجنة الدائمة - 1 " (19 / 297) هاتییە (ئەگەر نە هێلانا دوگیانیێ ژبۆ تشتەکێ پشت راست کری بیت بونمونە ئافرەت ئاسایی زارۆک نەبیت و نەچاری نشتەگەریێ ببیت بو دەرێخستنا زارۆکی ، یان ئەگەر بهێتە گیڕوکرن بودەمەکی ژبەر بەرژەوەندییەکا هەڤژین دبینن ل وی دەمی چ ئاستەنگ نینن بو گیڕوکرنا دوگیانیێ.

کارکرن ب فەرمودێن دروست و ب ئەوا هاتییە ڤەگوهاستن ژ کومەکا سەحابییان خودێ ژوان رازی بیت ل سەر دروستییا ئەڤێ چەندێ (العزل) ، 

و ژبەر وێ دروستییا هندەک ژ فقهـ زانا ب ئاشکەرای دانای کو دروستە ئافرەت دەرمانی ڤەخوت دا چپکا ئاڤا زەلامی (المنی) باڤێژیت بەری چل روژیێ، وهندەک جارا دهێتە دەست نیشانکرن (دروست یان فەر دبیت)قەدەغەکرنا دوگیانیێ د حالەتێ جیگیر بوونا زەرورەتەکا پشت راست کری دا )

و لسەر ئەڤێ چەندێ چ ئاریشە لسەر گیڕوکرنا دوگیانیێ نینە ددەستپێکا هەڤژینیێ دا ژبەر تمامیا خواندنێ ئەگەر ژن و زەلام لسەر ڤێ چەندێ پێک هاتن.

دوو: ئەگەر دروستییا گیڕوکرنا دوگیانیێ جێگیربو بۆ دەمەکی ژ ئەگەرێ خواندنێ یان غەیرێ وێ ل وی دەمی دروست دبیت ئێک ژ هەڤژینا بکەتە مەرج و لایێ دی ب هەلبژارتنا خو یە بڤێت دێ رازی بیت و ئەگەر نەڤێت رازی نابیت خو ئەگەر ئەڤ چەندە ببیتە ئەگەرێ هەلوەشاندنا پێک ئینانا ڤێ هەڤژینیێ ژی. 

ئەگەر رازی بوو پێتڤییە لسەر وی یێ ب وەفا بیت ژبەر یا هاتیە ڤەگوهاستن ژ (عقبەیێ کورێ عامری خودێ دلوڤانیێ پێ ببەت گوت: پێغەمبەریﷺ گوت : "أحق الشروط أن توفوا به ما استحللتم به الفروج" ئانکو : ژ هەژی ترین مەرج هوین ب وەفابن ئەون یێن هەوە ئافرەت بۆ خو پێ حەلال کرین) أخرجه البخاري ( 2572 ) ، ومسلم ( 1418) 

ئەڤجا ئاموژگاڕی بۆتە تو هەڤژینا خو ڕازی بکەی کو پەیدا بونا زارۆکان مەرەمەکا سەرەکییە ژ مەرەمێن پئک ئینانا هەڤژینیێ ، و داخوازکریە د شەریعەتی ژی دا و ئەو یا پێش ئێخستییە لسەر گیڕوکرنێ ژبەر خواندنێ و تۆ هاریکاریا وێ بکەی لسەر تەمام کرنا خواندنێ ، ئەگەر رازی نەبو دروستە تۆ لسەر مەرجێ وێ رازی بی.