گەلەک ژ موسلمانا مژویلی گونەها نە ب هێجەتا هندێ کو دبێژن خو چەند گونەهێن مە گەلەک بن مادەم ئەم موسلمانین دێ ل دوماهیکێ هەر چینە بەهەشتێ ! ئەرێ بەرسڤا هەوە چیە بو ڤێ جورێ تێگەهشتنێ و هزرێ ؟
بەرسڤ:
بسم الله الرحمن الرحیم
حەمد و سوپاسی بو خودایێ مەزن بن ، و سلاڤ لسەر گیانێ پێغەمبەرێ خودێ بن و لسەر خێزان و کەس و کار و ئیماندار و هەڤاڵ و دویفکەفتیێن وی بن هەتا روژا دوماهیێ .
ب دوو خاڵا دێ بەرسڤا ڤێ تێگەهشتنا خەلەت دەین :
خاڵا ئێکێ: چ گەرەنتی یەک تە هەیە کو بەردەوام بوونا تە لسەر تاوان و گونەها وەل تە ناکەت کو ب دوماهیکەکا خراب و ب کافری بمری؟
ئەڤە پێغەمبەر إبراهیمە (علیه السلام) کو بابێ پێغەمبەرانە و ئیمامێ خودێ ناسایە دوعایا دکەت ژ خودێ و دبێژیت : (وَاجْنُبْنِي وَبَنِيَّ أَن نَّعْبُدَ الْأَصْنَامَ ) ئانکۆ : و من زاروکێن من بپارێزە ژ هندێ کو صەنەما بپەرێسین.
ڤێجا ئەگەر ابراهیم ئەڤێ دوعایێ بکەت ئەم دڤێت ب ڤان هەمی تاوان و خرابیا ڤە زێدەتر ژ خو بترسین و ڤێ دوعایێ بکەین چونکی چ گەرەنتیەک ب مە نەهاتیە دان کو دێ ب موسلمانەتی مرین .
خاڵا دووێ : ئەگەر تو ب موسلمانەتی ژی بمری ئەرێ تو هزردکەی سزایێ جەهنەمێ هندێ ب ساناهیە و دێ خو لبەر گری ؟
ئەرێ تە ئەو فەرموودە گولێ بویە یا پێغەمبەرێ خودێ صلى الله علیه وسلم دبێژیت:
(بەختەوەرترین كەسێ دونیایێ - ئەوێ ددنیایێ دا چ نەخوشی نەدیتین و هەر د خووشیا دا بوو-
ژ جهنەمییا د روژا دوماهیێ دێ ئینن بتنێ ئێک جار دێ کێشنە دناڤ جەهنەمێ دا پاشی دێ بێژنێ
ئەی مروڤ ئەرێ د ژیانێ دا تە چ خوشی و خێر دیتینە ؟
ئەو ژی دێ بێژیت : نە سویند ب خودێ د ژیانا خو دا من خێر و خوشی نەدیتیە )
سەحکێ برا و خوشکێن مسلمان بتنێ ئێک دەمێ کێم دێ ڕاکێشن دناڤ جەهنەمێ دا هەمی خوشیێن دونیایێ دێ ژبیرا وی چن ڤێجا تو چ دبێژی ئەگەر ب هزاران ساڵا د ناڤ جەهنەمێ دا بهێتە سوتن
لەوا چجار ڤێ ئاخفتنێ نە بێژە د وی ژیێ کێم دا یێ خودێ دایە تە کارەکی بکە کو بێ سزا تو بچیە بەهەشتێ چونکی ئاگرێ جەهنەمێ ژی حەفتێ جارا هندی یێ دونیایێ یێ گەرمە.
داخازێ دکەین ژ خودایێ مەزن مە موافق بکەت بو هەمی کارێن خێرێ و بێ سزا مە ب بەتە بەهەشتێ.
بابەت :-بەرسڤدانا گومانان
هاتیە وەرگرتن ژ سایتێ وەڵامەکان(walamakan)