بەرسڤ:

مەزنترین فیتنە ل سەر ڕیێ عەردی ژ دروست کرنا ئادەمی هەتا هاتنا قیامەتێ فیتنا دەجالی یە وەکی پێغەمبەرێ خودێ صلى الله علیه وسلم  ئەڤە گووتی، لەوا ژی چ پێغەمبەر نینن ژ نوحی هەتا محمدی

- صلوات الله عليهم وسلامه – ئیلا مللەتێن خو یێن هشیار کرین (١) ژ دەجالی ژبەر مەزنی و گرنگی یا بابەتی و وەکی ئاگەهداری و هشیاریەک ژێ ئەگەر نە خودایێ مەزن دزانیت کو دەجال ل دەمێ دوماهیک هاتنا دونیایێ دێ دەرکەڤیت بەلێ پا فەرمانا ب پێغەمبەرا کری کو مللەتێن خو ئاگەهداربکەن سەبارەت دەجالی د مەزنی و گرانی و دژوارییا وی دەمێ چاڤەرێکری دا، و ب صەحیحی هاتیە ژ پێغەمبەرێ خودێ صلى الله علیه وسلم  یا گووتی : " إِنْ يَخْرُجْ وَأَنَا فِيكُمْ فَأَنَا حَجِيجُهُ دُونَكُمْ، وَإِنْ يَخْرُجْ وَلَسْتُ فِيكُمْ فَامْرُؤٌ حَجِيجُ نَفْسِهِ، وَاللَّهُ خَلِيفَتِي عَلَى كُلِّ مُسْلِمٍ" (٢) ئانکو : ئەگەر دەجال دەرکەت و ئەز دناڤ هەوە دابوم ئەز دێ بەرنگارییا هەوە کەم و دێ هەوە پارێزم ژێ ، ئەگەر نە دێ هەر موسلمانەک بەرگریێ ژ خو کەت و خودێ ژی جێنشینێ منە لسەر هەمی موسلمانا .

ڤێجا فیتنا ڤی دەجالی مەزنترین فیتنەیە وەکی فەرمودێ بەحس کری ب هندێ کو مەزنترین فیتنەیە ژ دەمێ دروستکرنا ئادەمی هەتا رابونا قیامەتێ لەوا یا هێژایی هندێ یە کو دنڤێژێ دا مروڤ خو ب خودێ ژێ ب پارێزیت و بتنێ وێ جودا بکەت ژ ناف فیتنێن ژیانا دونیایێ دا: " اللَّهُمَّ إِنِّي أَعُوذُ بِكَ مِنْ عَذَابِ الْقَبْرِ وَمِنْ عَذَابِ النَّارِ وَمِنْ فِتْنَةِ الْمَحْيَا وَالْمَمَاتِ وَمِنْ فِتْنَةِ الْمَسِيحِ الدَّجَّالِ " (۳)

و پەیڤا دەجال ژی ژ پەیڤا( الدَّجَل) یا هاتی ئانکو ڤەشارتن و خاپاندن، چونکە ئەو خاپینوکترین کەسە د وەربادان و گوهورینا ڕاستیان دا.

ژێدەر:

پەڕتوکا (فتاوى أرکان الإسلام) زانایێ پلە بلند :محمد بن صالح العثیمین - رحمه الله –

(١) أخرجه البخاري، كتاب الفتن، باب ذكر الدجال (7127) .

(٢) أخرجه مسلم، كتاب الفتن، باب ذكر الدجال وصفته وما معه (2937) .

(۳) صحيح البخاري | كِتَابٌ : الْجَنَائِزُ  | بَابُ التَّعَوُّذِ مِنْ عَذَابِ الْقَبْرِ. رقم: (1377)

بابەت:-بەرسڤدانا گومانان

هاتیە وەرگرتن ژ سایتێ وەڵامەکان(walamakan)