بەرسڤ/ 

الحمدلله:

شێخ ابن عثیمین (رازی بونا خودێ ل سەر بیت) دبێژیت:

ئەو کارێن مروڤێ ب عاقل ئەنجام ددەت بێ گومان ب هەلبژارتنا خو ئەنجام ددەت هەر وەکی خودێ تعالی دبێژیت:

(فَمَن شَاءَ اتَّخَذَ إِلَىٰ رَبِّهِ مَآبًا (النبا39) 

ئانکو: ڤێجا هه‌چییێ ڕزگارییا ژ ترسا وێ ڕۆژێ بڤێت بلا ب كرنا چاكییێ بۆ خۆ ڕێكه‌كا زڤڕينێ بۆ نك خودايێ خۆ بگرت. 

و هەر وەسا دبێژیت:

( مِنْكُمْ مَنْ يُرِيدُ الدُّنْيَا وَمِنْكُمْ مَنْ يُرِيدُ الْآخِرَةَ) [آل عمران:152] 

ئانکو: هنده‌ك ژ هه‌وه‌ هه‌نه‌ ده‌سكه‌فتى دڤێن، وهنده‌ك ژ هه‌وه‌ هه‌نه‌ ئاخره‌ت دڤێت.

و هەر وەسا دبێژیت:

(وَمَنْ أَرَادَ ٱلْءَاخِرَةَ وَسَعَىٰ لَهَا سَعْيَهَا وَهُوَ مُؤْمِنٌ فَأُوْلَٰٓئِكَ كَانَ سَعْيُهُم مَّشْكُورًا(الإسراء 19) 

ئانکو: وهه‌چییێ ب كارێ خۆ يێ چاك وێ ئاخره‌تا دێ هه‌ر مينت بخوازت، و ب طاعه‌تى كارى بۆ ئاخره‌تێ بكه‌ت، وئه‌و يێ خودان باوه‌ر بت ب خودێ وخێر وجزادانا وى، ئه‌وان كارێ وان دێ ئێته‌ قه‌بويلكرن وبۆ وان ل نك خودايێ وان دێ ئێته‌ هلگرتن، وخێرا وان ژى سه‌را دێ ئێته‌ دان.

بەلێ پا ئەگەر بەندەی تشتەك ڤیا و ئەنجام دا ئەم دزانین کو خودایێ مەزن حەسکرن ل سەر هەیە 

هەر وەکی دبێژیت:

(لِمَنْ شَاءَ مِنْكُمْ أَنْ يَسْتَقِيمَ (28) وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ (29)( التكوير)

ئانکو: بۆ هه‌چییێ حه‌ز بكه‌ت ژ هه‌وه‌ كو ل سه‌ر حه‌قییێ وباوه‌رییێ خۆ ڕاست بكه‌ت، و هوين نه‌شێن خۆ ڕاست بكه‌ن، ئه‌گه‌ر حه‌زكرنا خودێ خودايێ هه‌مى چێكرییان ل سه‌ر نه‌بت.

ژ کەمالا خوداینیا (ربوبیەتا) وی چ تشت نە د ئەردی و نە د ئەسمانی دا ناهێنە رویدان ئەگەر نە ب حەسکرنا وی بیت.

بەلێ ئەو کارێن دکەڤنە سەر بەندەی یان ژ وان ئەوێن نە ب هەلبژارتنا وی وەك نەساخی و مرن و رویدان ئەڤە ب قەدەرێ نە و نە  

بهەلبژارتن و حەزا وی نە.

والله أعلم

ژێدەر:

https://islamqa.info/ar/answers/34898/%D8%A7%D9%84%D8%A7%D9%86%D8%B3%D8%A7%D9%86-%D9%85%D8%B3%D9%8A%D8%B1-%D8%A7%D9%88-%D9%85%D8%AE%D9%8A%D8%B1