ئەز کچەکم ژیێ من 18 ساله ، و ئەڤە سێ ساڵە ئەز دگەل کوڕکا دئاخڤم و دگەل وان دا تووشی چەند خەلەتیا بوویمە هەر جار من سوز ددا وی کاری دووبارەنەکەمەڤە ،بەلێ دا زڤڕمە سەر کارێ خو ڤە ،و ئەو کەسێن دەوروبەرێن من هەمی ب چاڤەکێ باش بەرێ خو ددەنەمن ، بەلێ ئەز ژبەر ڤی ئەگەری یا سەرکەفتی نینم د خاندنێ ژی دا ، داخاز ژ خودێ دکەم ل من ببوریت، هیڤیدکەم من شیرەت بکەن بەلکی من ڕزگاربکەن ژ ڤی کاری 
بەرسڤ:
بسم الله الرحمن الرحیم 
حەمد و سەنا و سوپاسی بو خودایێ مەزن و سلاڤێن خودێ لسەر گیانێ پێغەمبەرێ خودێ و لسەر خێزان و کەس و کارێن ئیماندار و صەحابیان و دویفکەفتیێن وی هەتا روژا دوماهیێ. 
ئێک : 
پێدڤیە لسەر مروڤی کارەکی بکەت ڕازی بوونا خودێ و بەهەشتا وی ب دەست ڤە بینیت
خودایێ مەزن دبێژیت: ﴿اهْدِنَا الصِّرَاطَ الْمُسْتَقِيمَ﴾ الفاتحة/6 . 
ئانکو: یا خودێ هیدایەتامە بدە بو رێکا ڕاست و بەردوامیێ بدەمە لسەر رێک ڕاست کو ئیسلامە  . 
لەوا پێدڤیە تو بزانی ئەگەر تو یا بەردوام بی لسەر ڤی کاری دێ تووشی لادانێ بی، و سەرفەراز نابی ل دونیایێ و ئاخرەتێ و دێ بەرەف جەهنەمێ چی . 
پێنگاڤا ئێکێ بو زڤرین بو رێکا راست :ئەوە مروڤ بزانیت ئەوا مروڤ لسەر یا خەلەتە 
پاشی پێنگاڤا دووێ دێ هێت :ئەوژی دویرکەفتن ژ وێ خەلەتیێ و پاشی ئەگەر تووشی لاوازیێ بوو و لادا لسەر رێکا ڕاست پێدڤیە لسەر بزڤریتە سەر رێکا ڕاست ڤە و پەشیمان ببیتەڤە و عەزیمە هەبیت بو نە زڤرینا لسەر وێ خەلەتیێ جارەکادی، ئها ئەڤە تەوبەیە. 
پاشی ئەگەر دووبارە تووشی خەلەتیێ بو : دووبارە دێ تەوبە کەت ...... و ب ڤی ڕەنگی. 
و خودایێ مەزن دزانیت کو مروڤ بەردوام خوجهـ نابیت لسەر رێکا ڕاست بەلکی خو چەوابیت دێ هەر تووشی هندەک لادانا بیت ،ڤێجا گەلەک بیت یان کێم ، لەوا ژی خودێ،تەوبە یا دانای دا کو وان گونەهـ و خەلەتیێن مە کرین ژێ ببەت ، پێغەمبەرێ خودێ صلى الله عليه وسلم دبێژیت: ( كُلُّ ابْنِ آدَمَ خَطَّاءٌ ، وَخَيْرُ الْخَطَّائِينَ التَّوَّابُونَ) رواه الترمذي (2499) وحسنه الألباني في " صحيح الترمذي " .  
ئانکو: هەمی مروڤ گونەها دکەن، و باشترینێ وان ئەوە یێ تەوبە دکەت . 
پێدڤیە لسەر تە تو بەردەوام بی لسەر تەوبەکرنێ و هەر دەمێ تە تەوبە کر و پەشیمان بووی و تە عەزیمەت هەبیت جارەکا دی نەزڤریە سەر ، و ب ڤی ڕەنگی بەردوام بی . 
دوو:  
چەندین ئەگەرێن هەین وە ل موسمانی دکەن زال ببیت لسەر شەیتانی دا ، و هەروەسا زال ببیت لسەر دەروونێ خو کو ئەو هەردوو فەرمانێ پێ دکەن ب خرابیێ .  
هندەک ژ وان ئەگەرا :  
1- ترسان ژ وی خودای یێ کو چ تشت لدەف وی یێ بەرزە نینە و پرسیارێ ژ مروڤی دکەت ل وان تشتێن وی ددنیایێ دا ئەنجام داین ، و چ کریارەکا مروڤی لێ بەڕزە نابیت.  
2- شەرم کرن ژ خودێ ، شەرم بکەت ژ هندێ کو خودێ ل دەمێ گونەهێ دا دبینیت.  
3- ترسان ژ ئیزایێ قەبری، و ئاشکراکرنا وی د روژا دوماهیێ دا.  
4- حەز کرن بو چوونا بەهەشتێ و بدەست ڤە ئیناناوێ. 
و ئەف ئەگەرە هەمی ئەگەر موسلمان ژبەر ئێک ژ وان یان هەمییان گونەها بهێلیت ، ئەو وی ژبەر خودێ یێن هێلاین ، خودێ ژی دێ پاداشتی دەتێ لسەر وێ هێلانێ. 
و چەند ئەگەرێن دی یێن هەین وەدکەن موسلمان گونەها بهێلن، ئەف ئەگەرە د خراب نینن. بەلێ پا مروڤ پاداشتی ناوەرگریت لسەر وان چونکی ژبەر خودێ گونەهـ نەهێلاینە  .  
هندەک ژ وان ئەگەرا  :  
1- ترسان ژ هندێ ددنیایێ دا ب فەزحیت ، و رێز نەمینت لدەف خەلکی . 
و تە یا بەحسی هندێ کری ئەوێ تە دبینت هزردکەت تو کەسەکا باشی ڤێجا تو ژی پارێزگاریێ ل ڤێ چەندێ بکە و بلا رێزا تە د ناف خەلکی دا بمینت. 
2- ترسان ژ هندێ ئەو گونەهە وێ مژویل بکەت ژ هندەک تشتێن گرنکتر د ژیانا وێ دا و تە بەحسی هندێ کر ب ئەگەرێ وان گونەها تو یا سەرکەفتی نەبووی د خواندنێ  دا و دەرنەچووی.  
3- ترسان ژ هندێ ئەف پێنگاڤە تە بەرەف خرابتر ببەن و ئەف بابەتەژی گەلەکێ جدی و ب مەترسیە ، چونکی گەلەک جار کەسێن گەنج ب ئاخفتنێ دەستپێدکەن هەتا وەلێدهێت مودمن دبیت و دەمێن خو ب ڤاڵایی دبەت و هێدی هێدی دکەڤیتە داڤێن شەیتانی و شیانا خو ڕزگارکرنێ نامینیت گەلەک ژ گەنجان ئەڤەیا ب سەری هاتی و ددوماهیێ دا پەشیمانیا گەهشتیێ بەلێ د چ دەم دا   ؟ 
دەمێ پەشیمانی یا بێ مفا!  
سێ:  
تشتەکێ دی ژ وان تشتا یێن دبنە هاریکار بوتە بوهێلانا وی کاری ئەو ژی خو مژویلکرنە ب عیبادەتێ خودێ و کارێن ب مفا و پارێزگاریێ ل نڤێژێن خو بکە ، چونکی نڤێژ دلی ساخ دکەت و ڕێگریێ لێدکەت ژ گونەهـ و خرابیا، خودایێ مەزن دبێژیت:﴿وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاءِ وَالْمُنْكَرِ﴾ العنكبوت/45.

ئانکو: و نڤێژێن خو بکە ب پشتراستی نڤێژ خەلکی دویردکەت و دزڤڕینیت ژ خرابیا و گونەها و هەر تشتەکێ دژی شەریعەتی بیت. 
و گەلەک زکرێ خودێ بکە و قوڕئانێ بخوینە ، چونکی قورئان و زکرێ خودێ شەیتانی دویردکەن و دێ وەلتەکەن تو نێزیکی خودێ ببی. 
بلا تە دەمێ ڤاڵا نەبیت دا شەیتان بخو بدەرفەت نەبینت د وێ رێکێ دا. 
گەلەک ب تنێ نە ڕوینە  ، بتنێ دەمەک نەبیت کو تو مژویلی عیبادەتێ خودێ یان ژی کارەکێ گرنک بی . 
و گرنکرترین شیرەت ئەڤەیه : 
وان رێکا بگرە یێن دبنە ئەگەرێ ئاخفتنێ دگەل وان گەنجا ، کچێن ژیێ تە چ پێدڤی ب ئەنترنێتێ نینە ، لەوا شیرەتێ لتەدکەین توڕێن کومەلایەتی بهێلی ب هەمی جورێن وێ ڤە.  
بەلێ ئەگەر تە گەلەک پێدڤی پێ هەبوو ژی بتنێ نە چە سەر بلا دەیک یان باب یان هندەک ژ برایێن تە دگەل تە بن هەما تە پێدڤیاخو بجهئینا ئێکسەر بهێلە و بزڤرەڤە سەر ژیانا خو یا ئاسایی و کاروبارێن ژیاناخو. 
و ل دوماهیێ دوعا ژ خودێ دکەین تە بپارێزیت ژ هەمی خرابیا و هاریکارێ تەبیت بو هەمی کارێن خێرێ. 
والله أعلم . 

ژێدەر:- سایتێ وەڵامەکان 
https://walamakan.com/3268