هەڤالێ من ئافرەتەکا مەهر کری نوکە یا بو وی دیاربووی بەری هینگی وێ پەیوەندی دگەل کەسەکێ دی هەبوون و دگەل وی یا دەرکەتی ڤێجا نوکە حەزژ خێزانا خو ناکەت و وی دڤێت ئافرەتەکا هوسا بیتە خێزانا وی کو ئەڤینی نەکربیت و نوکە نزانیت چ بکەت بەرنامێ دانای وێ بەردەت و داخاز ژمن کر ئەز شیرەت بکەم ، من ژی نەزانی چ بێژمێ، لەوا داخازێ ژ هەوەیێن بەرێز دکەم کا چەوا وی شیرەت بکەم و چ بێژمە وی ؟

بەرسڤ:

ئەگەر وێ ئافرەتێ توبە کربیت و دەرکەفتنا دگەل نە مەحرەما هێلابیت و نوکە چ گومان لسەر نەبیت ڤێجا شیرەتا مە بو وی ئەوە طەلاق نەدەت چونکی هەر کەسەکێ موسلمانەکی ستارەبکەت دێ خودێ ژی وی ستارەکەت ل دنیایێ و ئاخرەتێ ، و خودێ ژی خودانێ لێبورینێ یە و ل وان کەسا د بووریت یێن تەوبە دکەن و دزڤرنە لایێ وی ، لەوا پێدڤیە ئەم ژی ل ئێك و دوو ببورین و ل وی ببورین یێ تەوبە دکەت و ب رەنگەکێ نوی سەرەدەریێ دگەل بکەین و ببینە هاریکار بو وی لسەر بەردەوامبوون لسەر توبێ بێگومان ئەو کەسێ توبە دکەت وەکی وی لێدهێت یێ چ گونەهـ نەکرین، پاشی زەڵامێ وێ چاڤێ خو بنقینیت لسەر وێ خەلەتیا خێزانا وی کری وجوان سەرەدەریێ دگەل بکەت و پاڵدەرەکێ باش بیت بو وێ دا ئەو ئافرەت باش بیت و ببیتە کەسەکا باش و بەردەوام بیت لسەر تەوبا خو.

بەلێ پا ئە گەر ئەف ئافرەتە هەر ب گونەها ڤە بیت و دگەل زەڵامێن نە مەحرەم بدەرکەڤیت و شیرەت کرن دگەل وێ بێ مفا بیت ئەم وی شیرەت ناکەین ب مانا دگەل وێ بەلێ بلا بەردەت خودایێ مەزن دێ ئافرەتەکا باشتر ب قسمەتێ وی کەت.

ژ خو ئەگەرتەوبە کربیت بەلێ هەر دلی وێ لسەر وی کاری بیت یێن بەری هینگی کرین و وی زەڵامی ترس هەبیت ئەگەر نە بەردەت ستەمێ ل وی بکەت و حەقێت وی نەدەتێ د ڤی حالەتی ژی دا دشێت بەردەت . بەلێ پا بلا سەحکەتە وان شیرەتا یێن مە لدەستپێکێ گوتین و بلا سەحکەتە خو ژی چێدبیت بەری هینگێ و نوکە ژی وی خەلەتی هەبن و کەس ژ مە نینە خەلەت نەبیت و کێماسی نەبن.

ونسأل الله أن يوفقّه لاتخّاذ القرار الصحيح وأن يهديه لأرشد أمره والله الموفّق والهادي إلى سواء السبيل .

ژێدەر سایتێ وەڵامەکان

https://walamakan.com/2228