بەرسڤ/

کارەکێ گەلەک خراب و ب گونەهـ یێ کری ودڤێت توبە بکەت و بزڤڕیتە لایێ خودێ و پەشیمان ببیت ژ وێ گونەهێ و  هەمی گونەهێن دی ب گشتی .

چونكی پێغەمبەرێ خودێ (صلى الله علیه وسلم) یێ گوتی :

((الْعَيْنَانِ زِنَاهُمَا النَّظَرُ ، وَالأُذُنَانِ زِنَاهُمَا الاِسْتِمَاعُ ، وَاللِّسَانُ زِنَاهُ الْكَلاَمُ ، [وَالْفَمُ يَزْنِي فَزِنَاهُ الْقُبَلُ] وَالْيَدُ زِنَاهَا الْبَطْشُ [وفي رواية ((اللَّمْسُ))] ، وَالرِّجْلُ زِنَاهَا الْخُطَا )) 1

ئانکو: زینایا چاڤی بەرێ خودانا ئافرەتا نە مەحرەمە ، و زینایا  گوهی گوهدارییا ئاخفتنێن خڕابە، و زینایا ئەزمانی ئاخفتنە، و زینا یا دەڤی ماچی کرنا حەرامە و زینایا دەستی دەستکرنە (دەستکرنا ئافرەتێن نە مەحرەم) وزینایا پێی پێنگاف هاڤێتنە بو کارێ خراب.

ڤێجا تە هەمی جورێن زینایێ یێن ئەنجامدایین وئەفە هەمی رێخوشکەرن بو زینایا دەهمەن پیسیێ و بێ ئەخلاقیێ! لەوا دڤێت توبە بکەی و زویکا پەشیمان ببی و بڕیارێ بدەی جارەکادی ڤی کارێ خراب نەکەی ..

و نابیت نێزیکی وان کەسا و وان جها ببی یێن کارێ خراب ژێ چێدبن چونکی خودایێ مەزن دبێژیت : [وَلا تَقْرَبُوا الزِّنَى][الإسراء] .

ئانکو: نێزیکی زینایێ نەبن.

و بەحس کرن و ئاشکراکرنا گونەهێ لدەف خەلکی کارەکێ گەلەک بمەترسیە و دڤێت ژ وی کاری ژی توبە بکەی چونکی پێغەمبەرێ خودێ(صلى الله علیه وسلم) یێ گوتی : ((كُلُّ أُمَّتِي مُعَافًى إِلاَّ الْمُجَاهِرِينَ ، وَإِنَّ مِنْ الْمُجَاهَرَةِ أَنْ يَعْمَلَ الرَّجُلُ بِاللَّيْلِ عَمَلاً ، ثُمَّ يُصْبِحَ وَقَدْ سَتَرَهُ اللَّهُ ، فَيَقُولَ يَا فُلاَنُ عَمِلْتُ الْبَارِحَةَ كَذَا وَكَذَا ، وَقَدْ بَاتَ يَسْتُرُهُ رَبُّهُ وَيُصْبِحُ يَكْشِفُ سِتْرَ اللَّهِ عَنْهُ)) 2

ئانکو: ئوممەتا من هەمی دێ هێنە ئازاکرن ئیلا ئەو نەبن یێن گونەهێن خو ئاشکرا دکرن و ب ڕاستی ئێڪ ژ ئاشکراکرنا گونەها ئەوە کو زەڵام ب شەڤێ کارەکی بکەت ڤێجا ئەگەر لێ بو ڕوژ خودێ یێ ستارەکری بەلێ ئەو بخو بێژیت یا فلان من شڤێدی فلان کار و فلان کار یێ کری ئەو بشەڤێ نڤستبو و خودێ ئەو ستارەکربو بەلێ سپێدێ وی بخو پەردا سترێ لسەر خو ڕاکر و ب وێ ئاشکراکرنێ خو بێ بها کر .

----------

(1) صحيح البخاري رقم : (6243) وصحيح مسلم رقم : (2657)، والزيادة الأولى أخرجه أبو داود رقم : (2153) والثانية أخرجه أحمد في ((المسند)) رقم : (2657) .

(2) صحيح البخاري رقم : (6069) وصحيح رقم : (7410) .

ژلایێ ماموستا (محمد عبدالرحمن)ی یا هاتیە بەرسڤدان.

ژێدەر :- سایتێ وەڵامەکان 

https://walamakan.com/352