بەرسڤ : 

بکارئینانا ناڤ و ناسناڤا کو پێتڤی بیت و چ رامانێن خراب تێدانەبن و نەبیتە ئەگەر بو ژێکڤەبون و ژێک جودابونا موسلمانا و پالدەرنەبیت بو دروستکرنا بیروباوەرێن خراب  ب ناڤێ ئیسلامێ ئەڤە دروستە ، ژوان ناڤێن خراب [ ٲهل الکلام ، الفلاسفة ، الجهمیة ، الخوارج ، المعتزلة ،الرواقض .. ] 

بەلێ بناڤکرن ب ( ٲهل الحدیث ، ٲهل التقوی ، ٲهل القرآن ، ٲهل السنة والجماعة ، ٲهل الٲثر  ، السلفية ، الطائفة المتصورة ، الفرقة الناجیة ، الجماعة .....  ) 

ئەڤە دروستن چونکی رامان و سیفەتێن خراب تێدا نینن سیفەتێن باش ژی دگەهینن بو نموونە ؛ پەیڤا [ السلف ] دزمانێ عەرەبی دا ب رامانا یێن بەری خو دهێت د زانست و باوەری و باشی و خێرێ دا .

ابن منظور د لسان العرب ۱٥۹/۹ دا دبێژیت (السلف أیضا: من تقدم من آبائک و ذوی قرابتک الذین هم فوقک فی السن والفضل ولهذا سمی الصدر الاول من الصحابه السلف الصالح)

هەروەسا کو دفەرمودەیەکێ ژی دا هاتیە کو پێغەمبەرﷺ گوتیە کچا خوو فاتیمایێ (فانە نعم السلف أنا لكِ) ریوایەتا موسلمی  (۲٤٥۰) 

دزاراڤێ زانایان دا (السلف) بەحس ل سەحابیایە ئیمامێ بوخاری ریوایەت دکەت کو راشدی کوری سعدی تابعیە و دکوت 

(کان السلف یستحبون الفحولە لانها اجری و اجسر)فتح الباری ج (٨۲/٦) فضاثی دار الكتب العلمیه

(سەحابا ژ بۆ غەزاێ هەسپێ نێر باشتر دزانین ژ ماهینێ چونکێ یێ زیرەک و بلەز ترە . مەرەم ژ ڤێ چەندێ پەیڤا سەلەفە کو ل سەردەمێ تابعییان دا بکارهاتی یە و بۆ سەحابییان ژی بکارهاتی یە ئانکو بو رامانا وی یە )

ئیمامێ موسلم  ددەستپێکا سەحیحا خودا  لاپەر (۱٦) ریوایەت دکەت ب رێکا محمدێ کورێ عبداللە گوت من گوهـ لێ بوو علی کورێ شەقیق دگوتە عبداللە یێ کورێ مبارەکی دناڤ خەلکی دا دگوت 

(دعوا حدیث عمرو بن ثابت فانه كان یسب السلف)

ئەڤجا بو ناڤێ سەلەفیەت ئانکو(السلف) و ئەڤە ناڤە کێ باشە بو مەنهەجەکێ حەق و دروست و بیدعە مەنهەجەکێ جوان و دروست نینە 

شیخ ابن تیمیە خودێ دلوڤانیێ پێ بەت ل "مجموع الفتاوی"(۱٤۹/٤) دبێژیت 

(ولا عيب على من أظهر مذهب السلف وانتسب إليه واعتزى إليه، بل يجب قبول ذلك منه بالاتفاق؛فإن مذهب السلف لا يكون إلا حقاً)

ئانکو: شەرم نینە بو کەسەکێ کو خوو دیار بکەت و ب ئاشکەرای بێژیت ئەس سەلەفم و بەلکو یا پێتڤی یە ڤی تشتی بکەت ب‌ ئێک دەنگیا زانایان چونکی بتنێ مەزهەبێ سەلەف یێ حەقە

ئەگەر ڤەگەرین بو مێژو نڤیسێ ئیسلامێ پێشەوایێ (الذهبی) خودێ دلوڤانیێ پێ بەت د پەرتوکا (سیر الاعلام النبلاء) دا (۱٦ـ٤٥۷) دژیانناما حافظ الدارقطنی گوتیە 

(لم یدخل الرجال ابدا فی علم الکلام ولا الجدال ولا فاض فی ذلك بل كان سلفیا) 

و ئەگەر کەسەک بێژیت باشە پا خودایێ مەزن دقورئانێ داگوتیە:(هُوَ سَمَّىٰكُمُ ٱلۡمُسۡلِمِينَ مِن قَبۡلُ)

باشە مادەم ئەم هاتینە ناڤکرن ب ناڤێ موسلمان ئەڤجا بوچی ناسناڤێن دی بکاربینن؟ ئەم دێ بێژین بەلێ راستە بەلێ ئەگەر چ حزب و مەزهەب بناڤێ ئیسلامێ نەهات بان دروستکرن و خو ب عالەما ئیسلامی دەنە نیاسین

بونمونە ئەگەر نوکە ئێک پرسیار بکەت و بێژیت تو چ مەزهەبی و تو بێژیێ ئەس موسلمانم دێ بێژیت مانێ (خەوارج ـ و جەهمی ـ ومعتزل ـ وشیعە) ئەڤە هەمی خو موسلمان دەنە دیار کرن ئەرێ ل وی دەمی ئەم دەچەوا خوو ژڤان جوداکەین و ئیسلاما دروست پارێزین؟ 

ئەگەر بێژیت ئەس موسلمانم لسەر قورئانێ و سونەتێ ئێکسەر هەمی دێ بێژن ئەڤە سەلەفیە و ڤێرێ دیار دبیت کو مەنهەجێ سەلەفی یێ دروستە و لدویف رێکا قورئانێ و سونەتێ یە ل دویف تێگەهشتنا سەحابیان 

ئەڤجا ناڤێ سەلەفی دژی ناڤێ موسلمان نینە وەکی موشرک یان کافر بەرامبەری ئیسلامێ 

هەروەسا ئیسلام بخوو دخوازیت کو سەلەف هەبن کو دچەندین ئایەت و فەرمودان دا هاتیە هەروەسا لسەر ڤی بابەتی د فەرمودا (افتراق) داهاتیە

(فقیل من هی الناجیە؟ قال ما انا علیە و الیوم و اصحابی)

ژێدەر: پەرتووکا وەڵامی پرسیارەکان ژ لایێ مامۆستا خلیل احمد