بەرسڤ:

داخوازا دوعا کرنێ ژموسلمانا تشتەکێ دروستە و چەندین بەلگە پێ هەنە ئێک ژ بەلگا چەندین کەسا ل چەندین دەم و جهان داخواز ژ پێغەمبەری ﷺ کرینە کو دوعابکەت   

بو نموونە ئەو کەسێ ل روژا ئەینیێ هاتە مزگەفتێ ل بەر بێ بارانیێ داخواز ژ پێغەمبەریﷺ  کر داخوازا باران بارینێ بکەت

ل وی دەمی خودبە دخواند و گوتنێ (یا رسول اللە هلکت الاموال و انقطعت السبیل فادع الله الینا یغثنا ، فرفع رسول الله ﷺ یدیهثم قال (اللهم اغثنا) ثلاثا...) رواە الباخاری المسلم 

ئانکو: گوتنێ ئەی پێغەمبەرێ خودێ ﷺ مال و سامانێ مە نەما و هەمی تێچوو و مە چ چارەسەری نەما بومە دوعا ژخودایێ مەزن بکە و پێغەمبەری ﷺ دەستێن خوو بلند کرن و دوعاکرن و گوت: خودایێ من بارانێ لمە ببارینە و مە تێر ئاڤ بکە سێ جاران گوت 

یان فەرمودا ئەو ئافرەتا ئەهلا بەهەشتێ دەمێ عطایی كوری رباحی گوتی ابن عباسی گوتی ئەرێ ئافرەتەکێ نیشاتە بدەم کو ئەهلا بەهەشتێ یە؟ گوت من گوتێ بەلێ ، وی گوت ئەو ئافرەتا رەش ئەوا هاتیە دەف پێغەمبەری ﷺ و گوتی ( انی اصرع وانی اتكشف فادع الی الله لی قال ان شئت صبرت ولك الجنه و ان شئت دعوت الله ان یعافیك فقالت اصبر فقالت انی اتكشف فادع الله لی ان لا اتكشف فادعا لها) رواه البخاری برقم ٥٦٥۲

ئانکو: ئافرەتەک هەتە دەف پێغەمبەریﷺ گوت من نەخوشیا سەرعێ (طەب) هەیە دەمێ دهێتەمن ئەس بێ ستارە دبم و جلکێن من سەرمن دا دچن و لەشێ من دەردکەڤیت ئەڤجا دوعا بومن ژخودێ بکە کو ئەس ساخ بم پێغەمبەری ﷺ گوتێ بێهن فرەهـبە بەهەشت بوتەیە و ئەگەر تە دڤێت ساخلەم بی دێ دوعا بوتە ژ خودێ کەم وێ ئافرەتێ گوتێ دوعا بومن بکە لەشێ من نەدەرکەڤیت دەمێ وەلمن دهێت دوی دەمی دا پێغەمبەری ﷺ دوعا بوکرن

هەروەسا گەلەک بەلگەیێن دی ژی هەنە ل سەر دروستیا داخوازکرنا دوعایێن باش ژ کەسەکێ موسلمان ، ئەو فەرمودا بەحس ل وان کەسا دکەت ئەوێن بێ لێپرسین چنە بەهەشتێ ئەو بەحسێ سیفەتەکێ دی بو 

دەقێ وێ فەرمودێ ئەوە ابن عباس دبێژیت پێغەمبەرﷺ دبێژیت (فقيل: لي هذه أمتك ومعهم سبعون ألفاً يدخلون الجنة بغير حساب ولا عذاب.....فقال هم الذي لا يسترقون ولا يتطيرون وعلى ربهم يتوكّلون فقام عكاشة بن محصن رضي الله عنه فقال: ادع الله لي أن يجعلني منهم) روه البخاری والمسلم

ئانكو: گوتنە پێغەمبەریﷺ ئەڤە ئومەتا تەیە حەفتێ هزار کەس بێ لێپرسین دێ چنە بەهەشتێ ئەوژی ئەون ئەوێن داخوازا پێڤە خواندنێ (الرقیە) ژ کەسێ ناکەن هەروەسا جسمێ خوو داخ (کەوی) ناکەن و ئەو کار و کریارا نا گرێدەن ب دیتن یان دەنگێ بالندەکێ ڤە و پشت بەستنێ بڤێ چەندێ ناکەن بەلکو پشت بەستنێ سەر خودێ دکەن ، ل وی دەمی عوکاشە رابوو گوتە پێغەمبەریﷺ دوعا بومن بکە ئەس ژوانا بم پێغەمبەری ﷺ گوتێ تو ژوان کەسای یێن بێ لێپرسین دچنە بەهەشتێ

هندیکە پێڤە خواندنە (الرقیە) یا دروستە چونکی گەلەک جاران عائیشایێ رازیبونا خودێ لێ بیت ب پێغەمبەری ڤە ﷺ خواندیە و هەروەسا پێغەمبەری ﷺ ب گەلەک کەسان ڤە خواندیە بەلێ مەبەست ژێ ئەوە کەس بخوو داخواز نەکەت و بهێن فرەهـ بیت لسەر نەخوشیا خوو هەروەسا داخ کرن (کەوی) کرن ژی دروستە بەلێ نەکرنا وێ باشترە 

بەلێ باوەریئینان کریارکرن پشتی گوهـ لێبونا دەنگ یان دیتنا بالندان و تەیر و تەوالە یان گیانە وەران یان تایبەت کرنا هەیڤەکێ یان رەش بینیا ب گیانەوەران وەکی گەلەک هەیفا صفری سەفەر نەدکرن هزردکرن خێر تێدا نینە یان دیتنا کێڤریشکێ هزردکرن بێ ئیفلەحیە و ئەڤە نە یا دروستە و ئەڤە دبیتە شرک 

ئەڤجا بومە دیار بوو دڤێ فەرمودێ دا هندیکە داخوازکرنا دوعایێ یە ژ کەسەکێ موسلمان جودایە ژ پێڤە خواندنێ (الرقی) رون و ئاشکەرا بوو دڤێ فەرمودێ دا کو ئەڤە دوو تشتێن ژئێک جیاوازن هەروەسا عوکاشەی داخوازا دوعاکرنێ کر ژ پێغەمبەری ﷺ و ئەڤە تشتەکێ رون و ئاشکەرایە

ژێدەر: پەرتووکا وەڵامی پرسیارەکان ژ لایێ مامۆستا خلیل احمد