بەرسڤ:

خۆ سوتن و خۆ کوشتن تاوان و گونەهەکا گەلەک مەزنە نابیت مروڤێ موسلمان خو هزر ژی تێدا بکەت، پێتڤیە کەسێ موسلمان کەسەکێ ئارام و بهێن فرەهـ و خۆ راگر بیت بەرامبەر نەخوشی و ئاستەنگێن ژیانێ و پێتڤی یە ژ خودێ بترسیت ، وباوەری هەبیت ب خودێ و روژا دوماهیێ و ب قەزا و قەدەرێ.

پێتڤی یە کەسێ موسلمان کارەکێ هوسا بکەت کو ژ دونیایێ بێ هیڤی نەبیت و هزر د خۆ کوشتنێ دا نەکەت ، هەروەسا پێتڤیە کەسێ موسلمان چاڤەرێ پاداشت و خێرا روژا دوماهیێ بیت راستە دوماهیا هەمی کەسان مرنە ، بەلێ ئەم نزانین ب چ تشتی و لکیڤە دێ مرین.

هەروەسا ل سەرمە هاتیە قەدەغەکرن ئەم خۆ بکوژین ، ئەڤجا بوچی کەسێ تاوانبار دێ خۆ کوژیت و مرن هەر ئێک جارە و هەر یا بو هاتییە نڤیسین ، بەلێ کەسێ تاوانبار فەرمانا خودێ یا شکاندی. 

هەروەسا ئەبو هورەیرە بەحس ل سزایێ وان کەسان دکەت ئەوێن خۆ دسوژن و دکوژن و دبێژیت پێغەمبەری ﷺ گوتیە (من تردى من جبل فقتل نفسه فهو في نار جهنم يتردى فيه خالدا مخلدا فيها أبدا، ومن تحسى سما فقتل نفسه فسمه في يده يتحساه في نار جهنم خالدا مخلدا فيها أبدا، ومن قتل نفسه بحديدة فحديدته في يده يجأ بها في بطنه في نار جهنم خالدا مخلدا فيها أبدا) 

رواە البخاری ومسلم.

ئانکو:(هەر کەسێ خۆ دچیایەکێ یان بلنداهییەکێ دا پاڤێژیت و بمریت ئەودێ خۆ ببلنداهیێ هاڤێتە ناڤ ئاگرێ جەهنەمێ دا و دێ هەر ڤێ چەندێ دوبارەکەت هەتا روژا قیامەتێ ، یان هەر کەسەکێ ژەهرێ بخوت و بمریت ئەودێ ناڤ ئاگری دا ژەهرێ خوت و مریت و دێ ڤی کاری هەر دوبارەکەت ، هەر کەسەکێ خۆ ب ئاسنەکێ بکوژیت ئانکو ئاسنەکێ ل خۆ بدەت ئەودێ ناڤ ئاگری دا هەر وی کاری دوبارەکەت).

ژبەرهندێ خۆ کوشتن ئێک ژ گونەهـ و تاوانێن مەزنە و ئەو کەسێ خۆ بکوژیت کەسەکێ رەش بینە و بێ هیڤیە و ئەو دێ هێتە سزا دان ل روژا دوماهیێ.

ژێدەر: پەرتووکا وەڵامی پرسیارەکان ژ لایێ مامۆستا خلیل احمد