بەرسڤ:

ل دەستپێکێ مە باوەریا هەی کو بەهەشتێ چەند دەرگەهەک هەنە و د چەندین فەرمودێن سەحیح دا هاتینە (عن أبي هريرة ، أَنَّ رسولَ اللَّهِ ﷺ قالَ: إِذا جَاءَ رَمَضَانُ، فُتِّحَتْ أَبْوَابُ الجنَّةِ) رواه [البخاری: ۱٨۹٨ ].

هەروەسا د فەرمودا ئیمامێ موسلم دا هاتیە کو بەهەشتێ هەشت دەرگەهـ هەنە و بەحس ل هندێ کریە هەر کەسێ پشتی دەست نڤێژ گرتنێ بێژیت ( أشهد أن لا إله إلا الله وحدە لا شریك له ،أشهد أن محمدًا رسول الله،) دبێژیت (إلا فُتِحَتْ له أبوابُ الجنَّةِ الثمانيةُ ، يدخلُ من أيِّها شاء.) 

[رواە مسلم: ۱/۲۰۹/۲۳٤]. 

ئانکو دێ هەر هەشت دەرگەهێن بەهەشتێ بو ڤەبن و وی کیشک بڤێت دێ تێدا چیتە بەهەشتێ. 

بو ناڤێن دەرگەهان ئەڤ ناڤە هاتینە 

۱. (فمن كان من أهل الصلاة؛ دعي من باب الصلاة، ومن كان من أهل الجهاد؛ دعي من باب الجهاد، ومن كان من أهل الصيام؛ دعي من باب الريان) [البخاری برقم ۳٦٦٦].

دڤێ فەرمودێ دا بەحس ل چوار دەرگەهان بتنێ کریە "ابن حجر" دبێژیت دەرگەهێ پێنجێ دەرگەهێ (حەجێ) یە چونکی حەجێ ژی پلەیەکا مەزنە ژ پلێن ئیسلامێ ، ئەگەر دەرگەهـ بوکارێن دی هەبیت بێگومان دێ بۆ ڤی ژی هەبیت.

دەرگەهێ شەشێ (الكاظمین الغیظ و العافین عن الناس) دەرگەهێ حەفتێ (الأیمن باب المتوکلین) ئەو دەرگەهێ بێ پرسیار کرن کو دێ چنە ژور ، دەرگەهێ هەشتێ دەرگەهێ (ذكر) یە و دبیت دەرگەهێ زانینێ ژی بیت چونکی زانا هەمی ئێك دەنگن لسەر ڤێ چەندێ 

[فتح الباری بەرگێ ۷ لاپەر ۳٤].

ناڤێ دەرگەهان ب کوردی.

۱. دەرگەهێ نڤێژێ.

۲. دەرگەهێ زەکاتێ.

۳. دەرگەهێ روژیێ. 

٤. دەرگەهێ جیهادێ.

٥. دەرگەهێ حەجێ.

٦. دەرگەهێ لێبورین ل خەلکێ.

۷. دەرگەهێ پشت بەستن بخودێ.

٨. دەرگەهێ زکر کرنا خودێ یان لێگەریانا زانینێ.

و سەبارەتی وێ چەندێ ئەرێ موسلمانەک هەیە د هەمی دەرگەهان دا بچیتە ژور؟ 

ئیمام ئەبو بەکری رازیبونا خودێ لێ بیت پرسیار ژ پێغەمبەریﷺ کر ( فهل یدعی احد من تلك الابواب کلها) ئانکو: ئەرێ موسلمانەک دێ هەبیت کو هەر دەرگەهەکێ بەهەشتێ گازی بکەتێ وئەو  تێدا بچیتە ژور؟

پێغەمبەریﷺ بەرسڤ دا و گوت بەلێ هەرکەسکێ ئەڤ سیفەتە ل دەف هەبن ئەوێن مە بەحس لێ کرین. 

هەر دەرگەهەک دێ گازی وی کەت یێ ئەو سیفەتە ل دەف هەی بەلێ هەر کەسێ ئەڤ هەمی سیفەتە لدەڤ هەبن هەر دەرگەهێ بڤێت دشێت تێدا بچیتە ژور 

[فتح الباری شرح صحیح البخاری بەرگێ ۷ لاپەر ۳٤ ].

ژێدەر: پەرتووکا وەڵامی پرسیارەکان ژ لایێ مامۆستا خلیل احمد