پسیار ئەرێ مه‌هدی كییه؟ و كه‌نگی دێ ده‌ركه‌ڤیت؟ ب چ شێوه رەفتارێ دگه‌ل وان كه‌سا بکه‌ین یێن بانگه‌شا مەهدی دكه‌ن؟
دگه‌ل زێدەبونا فه‌ساد و خرابیێ ل دوماهییا زه‌مانی دا و به‌لاڤبونا زولمێ و خۆ زال كرن لسه‌ر كه‌سێن لاواز ژ لایێ كه‌سێن بهێز ڤه، موسلمان پێتڤی ب ڕوژه‌كا نوی نە هه‌تا ئه‌و زولم و سته‌مه نه مینیت، ل ده‌می خودایێ مه‌زن دەستیریێ دده‌ت ب ده‌ركه‌تنا محمدێ كورێ عبدالله‌ی ژ نه‌ڤیێن ئیمامێ حه‌سه‌نیه (مه‌هدی).
ده‌رباره‌ی ئیمامێ مه‌هدی گه‌له‌ك فەرمودە هاتینه، ژبه‌ر هندێ گومان د هاتنا وی دا نینه هه‌می زانا ئیك ده‌نگن لسەر هاتنا مه‌هدی.
پێغەمبەرﷺ دبيژيت :
(ئه‌گه‌ر بتنێ روژه‌ك دنیایێ دا مابیت خودێ دێ وێ روژێ درێژكه‌ت هه‌تا وی ده‌می زه‌لامه‌كی تێدا فرێدكه‌ت ژ منه ناڤێ وه وه‌كی یێ منه ناڤێ بابێ وی وه‌كی ناڤێ بابێ منه.
سيفه‌تێن مه‌هدی
پێغەمبەرﷺ دبێژیت: مه‌هدی ژمنه ناڤجافێن وی د پانن و دفنا وی یا درێژه ئه‌ردی تژی دكه‌ت ژ دادپه‌روه‌رییێ وه‌كی جه‌وا به‌ری نوكه تژی ببو ژ سته‌م و زورداریێ، مانا وی لسه‌ر خیلافه‌تێ حه‌فت سالن.
مهدی ژ بنه‌مالا پێغەمبەرییەﷺ ل مه‌کكه‌هێ دیا ردبیت خه‌لكێ مه‌کكه‌هێ به‌یعێ دده‌نێ دویڤدا ده‌ست ب جیهادێ دكه‌ت.
ئه‌وریدانێن به‌ری هاتنا مه‌هدی چێدبن
١-ئه‌رد تژی دبیت ژ فه‌سادێ و سته‌مێ و زولمێ عه‌داله‌ت نا مینیت خودایێ مه‌زن مه‌هدێ فرێدكه‌ت ئه‌رد تژی دبیت ژ دادپه‌روه‌ری و عه‌داله‌تێ هەروەکی دفەرمودەیێ دا هاتی.
٢-هشكبونا ریبارێ فرات هه‌تا چیایێ زێری دیار دبیت.
٣-شه‌ر دناڤبه‌را سێ كورێ سه‌ركرده‌كی دا چێدبیت ب له‌شكه‌ری خوڤه لسه‌ر وی چیایێ زیری و ژ سه‌د مروفان ٩٩دمرن كه‌سه‌ك خلاس دبیت ئه‌گه‌ر گه‌هشتیه وی ده‌می هشیاربی به‌شداری تێدا نه‌كه‌ی چونكی پێغەمبه‌ر ﷺ: دبێژیت ده‌ست نه‌كه‌نێ چونكی فتنه‌یه
٤-شكه‌ستنا سوپایه‌كی ب دژی مه‌هدی ل جهه‌كی دبێژنێ البیداء له‌شکه‌ر هه‌می د عه‌ردی دا دچیت
بێگومان به‌ری ده‌ركه‌تنا مه‌هدی گه‌له‌ك كه‌س بانگه‌شەیا مه‌هدی دكه‌ن و دبێژن ئه‌م مه‌هدینه، هنده‌ك ژبه‌ر به‌رژه‌وه‌ندیێن دنیایێ و بده‌ست ڤه ئینانا سامانی وی كاری دكه‌ن، و هنده‌كێن دی ژبەر هندێ یه لبه‌ر موسلمانا به‌رزه بكه‌ن ڤی تشتی و تێكدانا دینی لبه‌ر خه‌لكی، و باش بزانه ده‌ركه‌تنا هه‌ر مه‌هدیه‌كی خول كیفه بیت ئه‌گه‌ر مه‌كه‌هـ و مه‌دینێ ژی بیت هه‌تا ئه‌ڤ ریدانێن مه به‌حس لی كری رینه‌ده‌ن، ئه‌وێن بناڤی مه‌هدی ده‌ردكه‌ڤن ژی ژ ئه‌هلێ كوفرێ نه ئه‌گه‌ر هاتنا محمد مه‌هدی درست ژی بهێت خه‌لك بدیڤ نه‌كه‌فیت و دره‌و بدانن.
بو زێده‌تر شاره‌زابون د نیشانێن دوماهییا دونیایێ دا و هاتنا محمد مه‌هدی و هاتنا ده‌جالی هه‌تا دوماهییێ، لێ زڤرینێ دپەرتوکا ماموستا محمد حسان و ماموستا هاورێ ... هتد، بکەن
عربة الشراء