بەرسڤ:

بلا بو ماموستا تەحسین دوسکی بیت:

((اتَّبِعُوا مَا أُنزِلَ إِلَيْكُم مِّن رَّبِّكُمْ وَلَا تَتَّبِعُوا مِن دُونِهِ أَوْلِيَاءَ ۗ قَلِيلًا مَّا تَذَكَّرُونَ)) الأعرَاف : ٣ ، گەلی مروڤان ، ھوین دویفکەفتنا وێ بکەن یا ژنک خودایێ ھەوە ڤە بو ھەوە ھاتی ، پێگریێ پێ بکەن ، و ژبلی خودێ ھوین دویفکەفتنا چو دوست و سەرکارێن دی نەکەن. کێمەکێ ھوین بیرا خو لێ دئیننەڤە ، و وچ بوخو ژێ وەردگرن ، و ل حەقیێ دزڤرن.

و (ئەصلێ مەسەلێ) وەکی دبێژن: ئەڤەیە.. ھەر پێغەمبەرەکێ ھات بت ، بو ڤێ یێ ھاتی؛ دا ئەو ڤێ فەرمانا خودێ بگەھینیتە مروڤان؛ و دویفکەفتنا وێ بکەن یا بو ھەوە ژنک خودێ ھاتی ، و ژ وی پێڤەتر کەسێ بو خو وەک وەلی و سەرکار نە نیاسن ، دویفکەفتنا وان بکەن ، و حەقێ دانانا شریعەتی بدەنێ ، وی شریعەتی دژیانا خو دا  بکەنە حاکم یێ خودێ بو ھەوە دانای ، و دویفکەفتنا وان یاسایا نەکەن یێن ھندەک مروڤێن وەکی ھەوە بدەستێ خو چێکرین!

(رێبازا ژیانێ لبەر سیبەرا قورئانێ بەرگ ٢ - لاپەر ٥١٢)