جوداھیا شەرێ درێکا خودێدا و درێکا طاغوتان دا چییە؟
بەرسڤ:
ماموستا تەحسین بومە بەحس دکەت دبێژیت: ((ٱلَّذِينَ ءَامَنُواْ يُقَٰتِلُونَ فِى سَبِيلِ ٱللَّهِ وَٱلَّذِينَ كَفَرُواْ يُقَٰتِلُونَ فِى سَبِيلِ ٱلطَّٰغُوتِ) النساء: ٧٦ ،
ئانکو: ئه‌وێن باوه‌ری ئینای شه‌ری درێكا خودێ دا دكه‌ن و ئه‌وێن كافر بوین شه‌ری درێكا (طاغوتی )دا دكه‌ن طاغوت وه‌كی به‌ری نوكه مه گوتی تشته‌كه رامانا وێ یا به‌رفره‌هه هه‌ر ده‌مه‌كی ناڤه‌كی وه‌ردگریت ل هه‌ر جهه‌كی لبن دروشمه‌كی خو نیشا خه‌لكی ده‌ت به‌لێ هه‌می هه‌ر ئێكه سه‌ردا چون و خرابه‌كاری دعه‌ردی دا وچو دی نه.
ئه‌ڤه راستیه‌كه هه‌ر وه‌سا (ته‌وجیهه‌كه) ژی بو خودان باوه‌را كو شه‌ری وان دڤێت هه‌ر ده‌م درێكا خودێ دا بیت لبن ناڤێ ئیسلامێ بیت ئه‌گه‌ر نه ئه‌و شه‌ر ژوان ناهێته قه‌بیل كرن زه‌حمه‌تا وان دێ دبه‌ر ئاڤێ دا چیت!
و ژ لایه‌كێ دی ڤه ب نسبه‌ت كافران ژی ئه‌و راستیه‌كه قورعان لبه‌ر چاڤێن مه دانیت ئه‌وێن كافر بوین شه‌ری درێكا طاغوتى دا دكه‌ن ئارمانجا وان ئه‌وه بەرژەوەندیێن خویێن دونیایێ ب جهـ بینن و خو ل عه‌ردی دفن بلند بكه‌ن و رێكێ بو سه‌رداچونا خو خوش بكه‌ن ئه‌ڤه‌یه ئارمانجا وان یا دورست بلا چه‌ند خو ل پشت (دروشمێن) دره‌وین ڤه‌شێرن ژێ وه‌كی: (ئازادیا مله‌تان) و (شه‌رعیه‌تا دەو‌له‌تێ) و به‌لاڤكرنا (دیموقراطيیه‌تێ)
جوداهییەکا مه‌زن یا دهه‌ردو رێكان دا هه‌ی، كو مروڤ شه‌ری بكه‌ت دا دینێ خودێ سه‌ر بێخیت و مه‌نهه‌جێ وی د عه‌ردی دا بنه جهـ بكه‌ت، و دادیێ به‌لاڤ بكه‌ت،و شه‌ری درێكا طاغوتى دا بكەت.
و هەروەسا جودایە شه‌ری بكه‌ت دا مه‌نهه‌جێ خودێ ژ ژینا خه‌لكی لاده‌ت، و رێكی بو شریعه‌تێن جاهلیه‌تێ خوش بكه‌ت ، ئه‌و شریعه‌تێن مروڤا بو مروڤا بكه‌نه به‌نی و كوله.
ڤێجا ماده‌م هویه -هوین گه‌لی خودان باوه‌ران- شه‌رێ زوردار و سه‌رداچویا بكه‌ن ئه‌وێن شه‌یتانی بو خو دكه‌نه دوست و سه‌ركار ، و گوهداریا فه‌رمانێن وی دكه‌ن و هوین ژ شه‌یتانی و هه‌ڤالێن وی نه ترسن ، چونكه هندی ئه‌و فێلبازیه یا شه‌یتان بو دوستێن خو دكه‌ت یا لاواز بویه
خودایێ مەزن دبێژیت: (فَقَٰتِلُوٓاْ أَوْلِيَآءَ ٱلشَّيْطَٰنِ إِنَّ كَيْدَ ٱلشَّيْطَٰنِ كَانَ ضَعِيفًا) النساء ٧٦ ، هوین ژوان و هێزا وان یا به‌ر چاڤ نه ترسن ئه‌و وه‌لییێن شه‌یتانینه، و پشته‌ڤانێ هه‌وه خودێ یه ، و خودێ تێرا هه‌وه هه‌یه)).
((رێبازا ژیانێ لبەر سیبەرا قورئانێ - بەرگێ ٢ ، لاپەر ٨١-٨٢))
عربة الشراء