بەرسڤ: شیرەتا من بو داخازکەرێ زانینێ ژ لایێ باشیا ئنیەتێ ڤە، ئنیەتا چەند تشتەکا بینیت بو داخازکرنا زانینێ: 

یا ئێکێ: بجھئینانا فەرمانا خودێ، چونکی خودێ فەرمان ب زانینێ کریە، و پەسنا زانایان کریە و گوتیە: { فَٱعۡلَمۡ أَنَّهُۥ لَاۤ إِلَـٰهَ إِلَّا ٱللَّهُ } ، [سُورَةُ مُحَمَّدٍ: ١٩] .

ڕامان: ڤێجا تۆ بزانه‌ -ئه‌ى موحه‌ممه‌د- كو ژ خودێ پێڤه‌تر چو خودا يێن حه‌ق نينن .

و دبێژیت: { یَرۡفَعِ ٱللَّهُ ٱلَّذِینَ ءَامَنُوا۟ مِنكُمۡ وَٱلَّذِینَ أُوتُوا۟ ٱلۡعِلۡمَ دَرَجَـٰتࣲۚ وَٱللَّهُ بِمَا تَعۡمَلُونَ خَبِیرࣱ } [سُورَةُ المُجَادلَةِ: ١١].

ڕامان: خودێ مه‌رته‌با خودان باوه‌رێن دلسۆز ژ هه‌وه‌ دێ بلند كه‌ت، وئه‌و مه‌رته‌با خودانێن زانينێ ژى د خێرێ و ژێ ڕازيبوونێ دا گه‌له‌ك دێ بلند كه‌ت، وخودايێ مه‌زن ب كريارێن هه‌وه‌ يێ شاره‌زايه‌ تشته‌ك ژێ ل وى به‌رزه‌ نابت، وئه‌و دێ هه‌وه‌ سه‌را جزا ده‌ت.

یا دووێ: و ئنیەتا هندێ هەبیت ب وێ زانینێ،  شەریعەتێ ئیسلامێ بپارێزیت، چونکی شەریعەت ناهێتە پاراستن ئیلا ب خودانێن وێ ئەهلێ.

یا سیێ: ئنیەتا هندێ هەبیت ب وێ زانینێ، نەزانینێ ل سەر خو ڕاکەت، چونکی مروڤ د بنیات دا نەزانە، ئەو چ تشتا نزانیت هەتا خو فێر کەت.

یا چوارێ: ئنیەتا هندێ هەبیت ب وێ زانینێ، نەزانینێ ل سەر کەسێن دی ژی ڕاکەت، و زانینا خو د ناڤ خەلکێ دا بەڵاڤ بکەت.

یا پێنجێ: ئنیەتا هندێ هەبیت  ب وێ زانینێ بەرگیریێ ژ شەریعەتی بکەت، چونکی بەرگیری کرن ژ شەریعەتی ناهێتە کرن ئیللا ب زانینێ بیت، بو نمونە: ئەگەر زەلامەك هات و دانوستاندن دگەل تە کر ب تشتەکێ و تە چ زانین نەبیت، تو نزانی دێ چ بێژیێ! 

یا شەشێ: کاری ب وێ زانینێ بکەت، چونکی هەر کەسێ کار ب زانینا خو بکەت خودایێ مەزن دێ زانینا وی زێدە کەت، خودایێ مەزن دبێژیت : { وَیَزِیدُ ٱللَّهُ ٱلَّذِینَ ٱهۡتَدَوۡا۟ هُدࣰىۗ }  [سُورَةُ مَرۡيَمَ: ٧٦] .

ڕامان : وخودێ هيدايه‌تێ ل وان به‌نییێن خۆ زێده‌ دكه‌ت يێن هاتينه‌ سه‌ر دينێ وى كو ب كرنا وان بۆ كارێن خودێ ل سه‌ر وان فه‌ركرين خودێ باوه‌رییا وان نوى دكه‌ت.

ئەڤ شەش تشتە دڤێت لهزرا تەبن.

فتاوی علی الطریق لابن عثیمين رحمە الله ( ص ٩٨ )