بەرسڤ/

پێدڤیە ئەو بزانیت کو هەڤژینی چارەسەریەکا سروشتیە، و دەمێ ئەم هزرا خو د تشتەکی دا ب کەین کو جهێ پێك ئینانا هەڤژینیێ بگریت ئەو دێ بیتە تشتە کێ دەمی، دوو تشا دێ مروڤ شێتە حەزێن خو :

ئێك : 

ب هێزکرنا نەفسێ، ئەو ژی ژ ڤان رێکا پێك دهێت :

ب هێز کرنا باوەریێ، وترس ژ خودێ و هەست کرن ب چاڤدێریا خودێ ، و ب هێز کرنا ئیرادێ د دەرونێ خودا، و تێگەهشتن و هزرکرن لسەر ئەنجامێ دیف کەتنا حەزێت 

خو ل دونیایێ و روژا دویماهیێ. 

دوو : 

ئەو تشتێن حەزێن مروڤی لاواز دکەن ، وەکی گرتنا روژیێ ، دویرکەتن ژ هەر تشتەکێ حەزێن تە ب لڤینیت ب تایبەتی بەرێخودانا حەرام، وهەڤالینیا کەسێن خراب.

ژبەرهندێ  ئەهلێ زانینێ دبێژن : 

ئەنجامدانا هەمی عیبادەت وپەرستنا و خو مژیلکرن  پێڤە ئێکە ژ مەزنترین پارێزەرێ دەرونی ژ توشبوونێ ب کرنا حەرامیێ، دەمێ گەنج خو مژیل دکەت ب خاندنا قورئانێ یان کرنا زکری و دوعایا و ب روژی بیت و گازیا ئیسلامێ ب راگەهینیت، و سەقایەکێ ئیمانی یێ تایبەت بو دەرونێ خو دروست بکەت و ل دەمێ بەتال و فەراغ خو مژویل بکەت ب عیبادەتی وزکری و بیرئینانا خودێ، و کارێن باش ئەنجام ب دەت وی دەمی بێگومان دێ دلێ وی ل دەف خودێ بیت هەرچەندە جەستەیێ وی دناڤ بێ باوەرادابیت، ڤێجا ئەڤێن مە بەحس کرین مەزنترین ئەگەرێن سلامەتیێ نە بو مروڤی، والله الموفق .

تێبینى: سەفەركرن بو وەلاتێن كوفرێ یا درست نینە ئەگەر ژبەر ڤان سێ مەرجا نەبیت:

مەرجێ ئێکێ : پێدڤیە وی کەسی هند پێزانینێت شەرعی هەبن کو چ گومان بو چێنەبن.

مەرجێ دوویێ : پێدڤیە هند خودان دین و خودێ نیاس بیت کو ب شێت خو لبەر حەز و ئارەزویێن خو بگریت.

مەرجێ سیێ : دڤێت وی پێتڤی ب وێ سەفەرێ هەبیت.

ئەگەر ئەڤ هەر سێ مەرجە نەبوون ناچێبیت سەفەرێ بکەت بو وەلاتێن کافرا چونکی مەترسیا لسەر کو توشی فیتنێ ببیت د دینێ خودا و هەروەسا دێ گەلەك مالێ خو ژ دەست دەت بەلاش چونکی مروڤ گەلەك پارەی د مەزێخیت د سەفەرادا .

بەلێ ئەگەر یا پێدڤی بو بو چارەسەریەکێ یان بو وەرگرتنا زانستەکی کو د وەلاتێ مروڤی دا نینە و دڤێت ئەو کەسە بخو خودان زانست و دین بیت ئەگەر ب ڤی شێوەی بو هنگی درستە سەفەرێ بکەت.

بەلێ چونا سەفەرێ بو گەشت و گوزاریێ بو وەلاتێن کوفرێ ئەڤە یا درست نینە،. تودشێ بچیە وەلاتێن موسلمانا چونکی ل وان جها پاراستنێ ل درویشمێن ئاینێ ئیسلامێ  دکەن.

بەلێ ئاکنجی بون و مان (الإقامە) ل وەلاتێن کوفرێ گەلەك مەترسی یا هەی لسەر دینێ موسلمانا و رەوشت و دابونەریتا،  مە یێن دیتین گەلەك ژ وان کەسا یێن ماینە ل وان وەلاتا و پاشی هاتینەڤە وەکی بەرێ نە ڤەگەریاینە ، هەمی سنورێن خودێ یێن دەربازکرین، و هندەك ژی ژ دینێ خو یێن چوینە سەر هندەك دینێن دی خودێ مە پارێزیت، هەتا وەلێ هاتبوون بونە کەسەکێن بێ باوەر ، و سفکاتی ب دینی و ئەهلێ دینی دکرن و ئەوێن بەراهیێ و ئەوێن ب دویف وان کەتین،  ژبەرهندێ دڤێت خو بپارێزین و ڤان مەرجا لبەر چاڤ وەرگرین یێن بەرەڤانیێ ژمە دکەن کو ل دویف حەز و ئارەزوو و هیلاکێ ب چین.

فتاوى أركان الاسلام للشيخ محمد بن صالح العثمين رحمه الله

ژێدەر:-سایتێ وە لامەکان

https://walamakan.com/2017