بەرسڤ:

حەمد و سوپاسی بۆ خودێ بن و صەلات و سەلام ل سەر پێغەمبەرێ وی بن ، و ل سەر مال و هەڤالێن وی بن و هەر کەسێ ل دویڤ وان بچیت حەتا ڕۆژا قیامەتێ ، پشتی حەمد و صەلەواتا دێ بێژین :

هندیکە " اللجنة الدائمة للبحوث العلمية والإفتاء "ه بەرێخودانا وان پرسیارا کر ئەوێن بۆ هاتین ، و ئەو بوچوون و نڤیسینێن هاتینە بەلاڤکرن ل دور گازیکرنا خەلکی بۆ تێکهەلکرنا دیانەتا(وحدة الأديان) : دینێ ئیسلامێ ، و دینێ یەهودیەتێ ، و دینێ نەصرانیەتێ بکەنە ئێک دین ، و ئەو چەقێن ژ ڤێ گازییا هەنێ دچن بو نمونە ئاڤاکرنا مزگەفتەکێ و کەنیسەیەکێ و مەعبەدەکێ دناڤ ئێک چوارچوڤە دا ، و کارکرن بۆ هندێ کو قورئان و تەوڕات و ئنجیل هەرسێ دناڤ ئێک بەرگ دا بهێنە چاپکرن، و ژبلی ڤانە ژی ژ شینوارێن ڤێ گازییێ ، کو گەلەک کور و سمینار دئێنە گێڕان ل دور ڤێ چەندێ ل ڕۆژهەلات و ڕۆژ ئاڤای . 

� وپشتی هزرکرن و پێداچوونێ لژنا مە ئەڤ بڕیارێن ل خوارێ دان :

١_ ئێک: ژ بنەمایێن باوەرییێ یە د ئیسلامێدا ، یێن کو پێدڤیە بهێنە زانین ، کو هەمی موسلمان ل سەر د ئێک دەنگن : ل سەر ڕوییێ ئەردی هەمییێ چ دینێن دروست نینن ژبلی دینێ ئیسلامێ ، و ئەو دویماهیک دینە ، و هەمی دینێن بەری خو یێن نەسخ کرین - ژ کار ئێخستین- ، ڤێجا ل سەر ڕویێ ئەردی چ دینێن دروست نەماینە ل دویڤ ڕێنماییێن وی پەرستنا خودێ بێتە کرن ژبلی ئیسلامێ ، خودێ گوت : ﴿إنَّ الدِّينَ عِنْدَ اللَّهِ الإسْلامُ﴾ ئانکو : بێگومان دینێ ڕاست و دروست ل دەڤ خودێ بتنێ ئیسلامە.

٢_دوو : و ژ بنەمایێن باوەرییێ یە د ئیسلامێدا ، کو پەرتووکا خودێ: (القرآن الكريم) دویماهیک پەرتووکە هاتیە خوارێ ژ دەڤ خودێ ، و وێ هەمی پەرتووکێن بەری خو یێن نەسخ کرین ؛ تەورات و ئنجیل و زەبور و ژبلی وان ژی ... و کار ب وان نائێتە کرن . 

٣_ سێ : واجبە ئەم باوەرییێ بینین کو تەورات و ئنجیل ب قورئانێ یێن هاتینە نەسخ کرن ، و لادان و دەستکاری یێت دوان دا هاتینە کرن ڤێجا ل هندەک جها هندەک تشت یێن لێ زێدە کرین و لهندەکا ژی هندەک تشت یێن ژێ کێم کرین، هەروەکی د قورئانێ دا بەحس ل ڤێ چەندێ هاتیە کرن. 

٤_ چوار : و ژ بناخەیێن باوەرییێ د ئیسلامێدا : پێغەمبەرێ مە محمد ﷺ دویماهیک پێغەمبەرە -و دویڤ چوونا چ پێغەمبەرێت دی پشتی هاتنا وی نا ئێتە کرن-..

٥_ پێنج : و ژبنەمایێن ئیسلامێ ئەڤەیە واجبە مە باوەری هەبیت کو هەر جوهیەک یان فەلەیەک یان هەر دینەکێ دی یێ هەبیت نە ئێتە دئیسلامێدا کافرە ، و دێ ب کافر ئێتە بناڤکرن ئەگەر هێجەت ل سەر هاتە ڕاکرن ، و ئەو دوژمنێ خودێ و پێغەمبەرییە ‌صلى الله عليه وسلم ، و ئەو ژ وان کەسایە یێن دێ هەژی چونا ئاگری بن. 

٦_ شەش : و بەرامبەری ڤان بنەمایێن باوەرییێ ، و ڤان ڕاستییێن شەرعی ، گازیکرن بۆ تێکهەلکرنا دیانەتا (وحدة الأديان) و نێزیککرنا وان و کومکرنا وان د ئێک قالب دا ، ب ڕاستی ژی گازییەکا پیس و خاپینوکە ، و مەبەست ژێ تێکهەلکرنا حەقییێ یە دگەل نەحەقییێ ، مەبەستا وێ هەڕفاندنا ئیسلامێ و سستکرنا ستوینێن وێ یە، و ڕاکێشانا موسلمانایە بۆ مورتەدبوونەکا گشتی.

٧_ حەفت : و ژ شینوارێن خڕابێن ڤێ گازییێ ڕاکرنا وان جیاوازییا یە یێن دناڤبەرا ئیسلامێ و کوفرێ دا هەی. و دناڤبەرا حەقییێ و نەحەقەییێ ، و باشییێ و خڕابییێ دا هەی ، و شکاندنا دیوارێ نەڤیانێ یە دناڤبەرا موسلمان و کافرا دا ، ڤێجا نە وەلاء و بەراء دمینن ، و نە جیهاد دمینیت و نە شەڕکرن دمینیت بۆ بلندکرنا ناڤێ خودێ د ئەردی دا. 

٨_ هەشت : ئەگەر گازیکرن بۆ تێکهەلکرنا دیانەتا (وحدة الأديان) ژ موسلمانەکی دەرکەڤیت دێ ئێتە هەژمارتن ( مورتەدبوونەکا ئاشکرا ژ دینێ ئیسلامێ ) ؛ 

چونکی ئەڤە دژی بنەمایێن باوەرییێ یە ، چونکی ئەڤە دێ بیتە ڕازیبوون ب کوفرێ ، و دێ بیتە درەو دەرئێخستنا قورئانێ ، و هەروەکی قورئانێ شەریعەتێن بەری خو نەسخ نەکرین و ژ کار نە ئێخستین ، 

و ئەگەر هوسا بیت ئەڤە دێ بیتە هزرەکا رەت کری د شەریعەتی دا ، و ب ئێکجاری دێ یا حەڕام بیت ب هەمی بەلگەییێن کار پێ دئێتە کرن د ئیسلامێدا قورئان و سوننەت و ئیجماع.

٩_ نەهـ : و ل دویڤ ئەوا بوریی ئەم دێ بێژین :

١- ئەو موسلمانێ اللە خودایێ وی بیت و ئیسلام دینێ وی بیت ، و محمد ﷺ پێغەمبەرێ وی بیت ، نەیا دروستە بۆ وی ئەو خەلکی گازی بکەت بۆ ڤان جورە بوچوونێن خەلەت ، و نابیت ل بەر دلێ خەلکی شرین بکەت ، و بکەتە ڕێکەک دناڤ موسلمانان دا ، ڤێجا دەمێ ئەڤە چێنەبیت پا هەما وەرگرتنا ڤێ گازییێ ، و چوونا دناڤ سمینار و کورێن وان دا و ڕێکخستنا دگەل وان هەر ب ئێکجاری چێنابیت.

٢- نەیا دروستە بۆ موسلمانی تەوراتێ یان ئنجیلێ جودا جودا چاپ بکەت ، پا دێ چەوا چێبیت تەوراتێ و ئنجیلێ و قورئانێ هەرسێیا پێکڤە دناڤ ئێک بەرگ دا چاپ بکەت ؟ لەوا هەرکەسێ ڤێ بکەت یان خەلکی بۆ ڤێ چەندێ گازی بکەت ب ڕاستی ژی ئەڤە بەرزبوونەکا دیارە ؛ چونکی ب ڤێ چەندێ ئەو یێ قورئانێ و پەرتووکەکا دەستکاری تێدا هاتیە کرن دگەل ئێک کۆم دکەت کو تەورات و ئنجیلن یان خو ئەگەر هندەک ژوێ دەستکاری ژی تێدا نەهاتبیتەکرن ب قورئانێ ئەو یا نەسخ بووی و نابیت پێکڤە بێنە کۆمکرن.

٣- هەروەسا دێ بێژین نەیا دروستە ئەڤ گازییە بێتە قەبویلکرن کو ( مزگەفتەک و کەنیسەیەک و مەعبەدەک ) پێکڤە دناڤ ئێک چوارچوڤەدا بێنە ئاڤاکرن ، چونکی ئەگەر ئەڤە هاتە قەبویلکرن ئەڤە دێ بیتە دانپێدان ب دینەکی کو پەرستنا خودێ پێ بێتە کرن ژبلی دینێ ئیسلامێ ، و دێ بیتە ئینکارکرنا سەروەرییا ئیسلامێ ل سەر هەمی دینێن دی ، ودێ بیتە گازیەکا ماددی کو ئاین سێ نە خەلکێ ئەردی کیشک بڤێت دشێت پەرستنا خودێ پێ بکەت ، و هەرسێ ل ئێک ئاستن و یەکسانن ، و ئیسلامەتییێ دینێن بەری خو نەسخ نەکرینە و ژ کار نە ئێخستینە ، 

� و چ گومان تێدا نینە پەسەندکرنا ڤێ چەندێ یان ڕازیبوونا ب وێ یان باوەری پێ ئینانا ب ڤێ چەندا بوری کوفرە و بەرزەبوونە ژ ڕێکا دروست .

چونکی ئەو سەرپێچییەکا ڕوهن و ئاشکرایە بۆ قورئانا پیرۆز و سوننەتا پاقژ و کودەنگییا موسلمانان.

اللجنة الدائمة للبحوث العلمية والإفتاء.